नेपालमा लायनवादको ५४ बर्षे इतिहासमा पहिलो पटक मल्टिपल काउन्सिल चेयरपर्सनमा महिला निर्वाचित
काठमाडौं । नेपाली लायनवादको ५४ वर्षको इतिहासमा पहिलो पटक मल्टिपल डिष्ट्रिक्टमा महिला नेतृत्व पाएको छ । डिष्ट्रिक्ट ३२५ जे नेपालको डिष्ट्रिक्ट गभर्नर मिलन थापालाई मल्टिपल काउन्सिल चेयरपर्सनमा निर्विरोध निर्वाचित गरिएको हो । उनी लायन वर्ष २०२५/२६ का लागि काउन्सिल चेयरपर्सनमा निर्वाचित भएकी हुन् ।
जेठ १८ गतेसम्म मनोनयन दर्ता गर्ने समय रहेकोमा मल्टिपल चेयरपर्सनमा उनको मात्र मनोनयन दर्ता भएको थियो ।
भाईस काउन्सिल चियरपर्सनमा भने ३ जनाको उम्मेदवारी परेको छ । जसमा डिष्ट्रिक्ट ३२५ एच का इलेक्ट डिष्ट्रिक्ट गभर्नर रविन्द्र बहादुर प्रधान, डिष्ट्रिक्ट ३२५ जीबाट इलेक्ट डिष्ट्रिक्ट गभर्नर विधान जोशी र डिष्ट्रिक्ट एफका इलेक्ट डिष्ट्रिक्ट गभर्नर केशर बहादुर भण्डारीले मनोनयन दर्ता गरेकाले सर्वसम्मत हुन सकेको छैन ।
यसैगरी मल्टिपल काउन्सिल सेक्रेटरीमा डिष्ट्रिक्ट ३२५ सि का इलेक्ट डिष्ट्रिक्ट गभर्नर बबरजंग थापा र ट्रेजररमा डिष्ट्रिक्ट आरका इलेक्ट गभर्नर नवराज सापकोटा निर्विरोध भएका छन् भने काउन्सिल जोईन्ट सेक्रेटरी र ट्रेजररमा भने कसैको पनि उम्मेदवारी परेको छैन ।
निर्विरोध नयाँ नेतृत्वको औपचारिक घोषणा भने आउँदो जेठ २४ गते प्रज्ञा भवन काठमांडौंमा हुने मल्टिपल कन्भेन्सनमा गरिनेछ । भाईस काउन्सिलमा त्यसदिनसम्ममा सहमति हुन नसके निर्वाचनमा जाने छ । निर्वाचनका लागि नेपालमा रहेका १५ वटा डिष्ट्रिक्टका इलेक्ट डिष्ट्रिक्ट गभर्नरहरू नै भोटर रहने छन् ।
निर्विरोध रूपमा काउन्सिल चेयरपर्सनमा निर्वाचित भएपछि छोटो प्रतिक्रिया दिदै मिलन थापाले सहयोग गर्नुहुने सबै अग्रज लायन्स लिडर र १५ वटै डिष्ट्रिक्टका गभर्नरहरुलाई धन्यवाद दिँदै आफ्नो पदीय जिम्मेवारी निर्वाहमा कुनै कमी हुन नदिने प्रतिबद्धता समेत व्यक्त गरिन् ।
सम्बन्धित खवर
