पोखरा । पोखराको मोहोरीयाटोलमा रहेको विन्ध्येश्वरी आदर्श बोर्डिङ स्कुलले हरितालिका तीजको अवसर पारेर तीज गीत तथा नृत्य प्रतियोगिता सम्पन्न गरेको छ।
करिव २० वटा समूहले भाग लिएको प्रतियोगितामा आधारभूत तहमा कक्षा ५ मा अध्ययनरत छात्र छात्राहरु युनिका खनालको समुह प्रथम, कक्षा ४ की छात्रा काव्या बि.क. द्वितीय, कक्षा १ की लियोसा के.सी.को समुह तृतीय र कक्षा ३ की छात्रा बिपासा मल्लले सान्त्वना स्थान प्राप्त गरेका छन् । यसैगरी कक्षा ६ देखि १० तर्फबाट कक्षा ९ मा अध्ययनरत छात्र छात्राहरु एस्थर तामाङको समुह प्रथम र कक्षा १० मा अध्ययनरत प्रशंसा कार्कीको समुहले द्वितीय स्थान प्राप्त गरेकाे अतिरिक्त क्रियाकलाप संयोजक राजु वयलकोटीले जानकारी दिनुभयो।
विजयी विद्यार्थीलाई पुरस्कार, ट्रफी तथा प्रमाणपत्र विद्यालयका प्राचार्य कृष्णकुमार श्रेष्ठ र जोजिजू म्युजिक सेन्टरका व्यवस्थापक सोनु जोजिजुले गर्नुभएको थियो। प्राचार्य श्रेष्ठले नेपाली भाषा, कला र संस्कृतिको जगेर्ना गर्ने कार्य विद्यालय तहबाटै हुनुपर्नेमा जोड दिनुभयो। उहाँले यस्ता कार्यक्रमले विद्यार्थीहरुकाे शैक्षिक, सामाजिक, व्यक्तिगत तथा बौद्धिक विकासमा सहयोग पु¥याउनुका साथै उनीहरुको अन्तरनिहीत प्रतिभा प्रस्फुटन हुने बताउनुभयो । प्रतिष्पर्धी विद्यार्थीको मुल्यांकन विद्यालयका नृत्य शिक्षिका रन्जु बयलकोटी र अतिथि जोजिजुले गर्नुभयो ।
अतिरिक्त क्रियाकलाप संयोजक राजु बयलकोटीले संयोजन गरेको कार्यक्रमको सञ्चालन विद्यालय प्रमुख माया क्षेत्रीले गर्नुभएको थियो ।”गुणस्तरीय शिक्षा, अनुशासन र ज्ञान’’ भन्ने मूल नाराका साथ विद्यालयले विभिन्न सिर्जनात्मक कार्यक्रम संचालन गर्दै आएको छ।
