कास्कीमा सुरक्षा कडा, अवान्छित गतिबिधि रोक्न नेपाली सेना सहित नेपाल प्रहरी र सशत्र प्रहरी पनि परिचालित
पोखरा, भदौ २५ । कास्कीमा सुरक्षा व्यवस्था कडा परिएको छ। जिल्ला प्रशासन कार्यालय कास्कीले एक अपिल जारी गर्दै अवान्छित गतिबिधि रोक्न नेपाली सेना सहित नेपाल प्रहरी र सशत्र प्रहरी पनि परिचालन भएको जनाएको हो ।
भदौ २३ र २४ Gen Z समूहले कास्की जिल्लाका विभिन्न स्थानमा बिरोध प्रदर्शनका क्रममा अवान्छित तत्व समेत प्रवेश गरी भएको क्षती प्रति मध्य नजर गर्दै प्रशासनले एक अपील जारी गरेको हो ।
अपिलमा भनिएको छ-सम्भावित असामाजिक गतिविधि, तोडफोड वा आगजनी जस्ता घटना रोक्न आवश्यक व्यवस्था मिलाइएको बताउदै सरकारी, अर्धसरकारी, न्यायिक प्रशासनका संरचना तथा निजी सम्पत्तिलाई क्षति पुर्याउन खोज्नेहरूलाई कडाइका साथ कारबाही गर्ने चेतावनी दिइएको छ।
यसै सन्दर्भमा भदौ २४ गते राति १० बजेदेखि नेपाली सेनासहितका सुरक्षा निकायलाई जिल्लाभर परिचालन गरिएको प्रशासनले जनाएको छ। अपीलमा आम सर्वसाधारणलाई शान्ति–सुरक्षा कायम राख्न सहयोग गर्न समेत आग्रह गरिएको छ।
प्रशासनले आपत्कालीन अवस्थामा सम्पर्क गर्न नेपाली सेना ०६१ – ५८११६०, ९७६३२४६०२२, नेपाल प्रहरी ९८५६०३९५९९ र सशस्त्र प्रहरी ०६१ – ५४४०८८ , ९८५१२७२०८० साथै टोल फ्री ११४४ का छुट्टाछुट्टै नम्बरहरू सार्वजनिक गरेको छ।
सम्बन्धित खवर
