पोखरा । जेनजीको प्रदर्शन नरोकिने संकेत पाएपछि स्थानीय प्रशासनले पोखरामा कर्फ्यु आदेश जारी गरेको छ । जिल्ला प्रशासन कार्यालय कास्कीले आजै एक सूचना प्रकाशित गरी विहान १० बजेदेखि राति बजेसम्म लागू हुने गरी कर्फ्यु आदेश जारी गरिएको हो ।
स्थानीय प्रशासनले जारी गरेको सूचना अनुसार पूर्वतर्फ पोखरा महानगरपालिका वडा नं. ०९ स्थित चाइना पुलदेखि पृथ्वीचोक, पुरानो एयरपोर्ट हुँदै बिरौटा चोक र पृथ्वीचोक, नयाँबजार, महेन्द्रपुल, नदीपुर हुँदै के.आई.सिंह पुलसम्मको क्षेत्र, त्यसैगरी पश्चिमतर्फ पोखरा महानगरपालिका वडा नं. ०२ स्थित बागलुङ बसपार्कदेखि जिरो किमी हुँदै हल्लनचोकसम्म, उत्तरतर्फ पोखरा महानगरपालिका वडा नं.०१ स्थित पृथ्वीनारायण क्याम्पस गेटदेखि ट्याक्सीचोक हुँदै बागलुङ बसपार्कसम्मको क्षेत्र र दक्षिणतर्फ पोखरा महानगरपालिका वडा नं. ०६ स्थित हल्लनचोकदेखि राष्ट्रबैंक चोक हुँदै बिरौटासम्मको क्षेत्रमा कर्फ्यु आदेश जारी गरिएको छ ।
उल्लेखित चार किल्लाभित्र कुनै पनि आवतजावतका साथै प्रकारका भेला, जुलुस, प्रदर्शन, सभा र बैठक गर्न निषेध गरिएको छ। यो आदेशको उल्लंघन गर्नेलाई कानुनबमोजिम कारबाही गरिने चेतावनी पनि दिइएको छ। यसअघि निषेधाज्ञा जारी गरेको प्रशासनले तुरुन्तै नयाँ सूचना प्रकाशित गरी कफूर्यु आदेश जारी गरेको हो ।
