२०८३ कार्तिक ३०, सोमबार Monday, November 16, 2026
खबरस्थानिय समाचार

सुशासनमा उदाहरण बन्दै अन्नपूर्ण गाउँपालिका, बेरुजु दर केवल ०.०१३० प्रतिशत

अन्नपुर्ण, कास्की। कास्की जिल्लाको अन्नपूर्ण गाउँपालिका सुशासन, पारदर्शिता र वित्तीय अनुशासनको क्षेत्रमा देशमै उदाहरणीय स्थानीय तहका रूपमा स्थापित भएको छ। महालेखापरीक्षकको कार्यालयद्वारा सार्वजनिक गरिएको ६३ औँ वार्षिक प्रतिवेदन–२०८३ अनुसार अन्नपूर्ण गाउँपालिका देशभरिका स्थानीय तहहरूमध्ये सबैभन्दा कम बेरुजु हुने उत्कृष्ट १० पालिकाको सूचीमा सातौँ स्थान हासिल गर्न सफल भएको हो।

प्रतिवेदनअनुसार गाउँपालिकाको बेरुजु दर केवल ०.०१३० प्रतिशत रहेको छ, जुन स्थानीय तहहरूमध्ये अत्यन्त न्यून मानिन्छ। गण्डकी प्रदेशभित्र पनि अन्नपूर्ण गाउँपालिका चौथो कम बेरुजु हुने पालिकाका रूपमा सूचीकृत भएको छ। यस उपलब्धिलाई गाउँपालिकाले वित्तीय सुशासन, पारदर्शी प्रशासन र जिम्मेवार खर्च प्रणालीको प्रतिफलका रूपमा लिएको छ।

गाउँपालिका अध्यक्ष बिष्णु बहादुर के. सी.  ले यो उपलब्धि समग्र गाउँपालिकाको सामूहिक मेहनत र जिम्मेवारीबोधको परिणाम भएको बताए। उनले भने, “जनप्रतिनिधि, कर्मचारी, राजनीतिक दल, उपभोक्ता समिति तथा सम्पूर्ण नागरिकको साथ र विश्वासका कारण अन्नपूर्ण गाउँपालिका सुशासनको क्षेत्रमा उत्कृष्ट नतिजा हासिल गर्न सफल भएको हो। हामीले विकास निर्माणसँगै आर्थिक अनुशासनलाई पनि समान प्राथमिकतामा राखेका छौँ।”

अध्यक्ष के. सी. ले आगामी दिनमा बेरुजु दरलाई शून्यमा झार्ने लक्ष्यसहित अझ प्रभावकारी अनुगमन, पारदर्शी बजेट कार्यान्वयन र जवाफदेही प्रशासनिक प्रणालीलाई निरन्तरता दिइने प्रतिबद्धता व्यक्त गरे। “सुशासनलाई संस्थागत गर्दै नागरिकमैत्री सेवा प्रवाहलाई अझ प्रभावकारी बनाउने हाम्रो लक्ष्य हो,” उनले थपे।

त्यसैगरी प्रमुख प्रशासकीय अधिकृत चिरञ्जीवी बरालले वित्तीय अनुशासन कायम गर्न कर्मचारी संयन्त्रले इमानदार र उत्तरदायी ढंगले काम गरेको बताए। उनका अनुसार योजनाको कार्यान्वयनदेखि भुक्तानी प्रक्रियासम्म कानुनी मापदण्ड र पारदर्शितालाई कडाइका साथ पालना गरिएकाले यस्तो सकारात्मक नतिजा प्राप्त भएको हो।

“कृषि, पर्यटन, ऊर्जा र पूर्वाधार : अन्नपूर्ण समृद्धिको आधार” भन्ने मूल नाराका साथ अघि बढिरहेको गाउँपालिकाले विकास र सुशासनलाई सँगसँगै अघि बढाउँदै स्थानीय सरकारप्रति नागरिकको विश्वास थप मजबुत बनाएको जनाएको छ।

Read more

कांग्रेसको छवि नेताकार्यकर्ताको व्यवहारबाटै बन्ने हो : महामन्त्री पौडेल

नागरिकसँग जिम्मेवार, मर्यादित र जनमैत्री व्यवहार गर्न पार्टीका नेता–कार्यकर्तालाई निर्देशन पोखरा । नेपाली कांग्रेसका महामन्त्री प्रदीप पौडेलले पार्टीको जिम्मेवारीमा रहेका नेता तथा कार्यकर्ताको व्यवहारले नै कांग्रेसको समग्र छवि…

गण्डकी कांग्रेसको नेतृत्वमा मेखलाल श्रेष्ठको दाबेदारी, महामन्त्रीमा गंगाधर पराजुलीको चर्चा

पोखरा । नेपाली कांग्रेसको १५औँ महाधिवेशनअन्तर्गत नियमित महाधिवेशन पक्षधरले गण्डकी प्रदेशको दोस्रो अधिवेशन आगामी मंसिर ५ र ६ गते पोखरामा गर्ने तय गरेसँगै प्रदेश नेतृत्वका लागि राजनीतिक सरगर्मी…

देउवा नेतृत्व कांग्रेसको १५औँ महाधिवेशनका लागि कास्कीबाट पुराना नेता र युवासहित प्रतिनिधि चयन

पोखरा । नेपाली कांग्रेसको नियमित १५औँ महाधिवेशनका लागि कास्कीका तीनवटै निर्वाचन क्षेत्रबाट महाधिवेशन प्रतिनिधि चयन भएका छन् । पार्टीको १४औँ महाधिवेशनबाट निर्वाचित सभापति शेरबहादुर देउवा नेतृत्वको समूहबाट नियमित…

समाज कल्याण समितिको अध्यक्षमा पुनः राजेन्द्रबहादुर कार्की निर्विरोध निर्वाचित

पोखरा । ‘सामाजिक उत्तरदायित्व हाम्रो जिम्मेवारी’ भन्ने मूलमन्त्रका साथ स्थापित समाज कल्याण समिति कास्कीको अध्यक्षमा राजेन्द्रबहादुर कार्की पुनः निर्विरोध निर्वाचित भएका छन् । शनिबार पोखरा-१०, काजीपोखरीस्थित सभा हलमा…

रत्न मन्दिर र हिमागृह लिजमा नदिन जिससको आग्रह

पोखरा । पोखराका ऐतिहासिक सम्पदा रत्न मन्दिर तथा हिमागृहसहित बाराहीघाटको जग्गा ३० वर्षका लागि लिजमा दिने तयारीप्रति जिल्ला समन्वय समिति कास्कीले आपत्ति जनाएको छ। समितिले फेवातालको मापदण्डभित्र पर्ने…

पोखरामा मंसिर ५ र ६ गते कांग्रेस गण्डकीको दोस्रो अधिवेशन, देउवाले उद्घाटन गर्ने

१ हजार ६ सयभन्दा बढी प्रतिनिधि सहभागी हुँदै, अधिवेशनका लागि २५ लाख खर्च अनुमान पोखरा, कात्तिक २७ । नेपाली कांग्रेसको नियमित १५औँ महाधिवेशनअन्तर्गत गण्डकी प्रदेशको दोस्रो अधिवेशन आगामी…