२०८३ मंसिर २, बुधबार Wednesday, November 18, 2026
खबर

कांग्रेस उपसभापतिमा सुरेन्द्र पाण्डेको दाबी, ‘एकता र संगठन सुदृढीकरण मेरो प्राथमिकता’

काठमाडौँ — गण्डकी प्रदेशका मुख्यमन्त्री तथा नेपाली कांग्रेसका केन्द्रीय सदस्य सुरेन्द्रराज पाण्डेले पार्टीको १५औँ महाधिवेशनमा उपसभापति पदमा उम्मेदवारी घोषणा गरेका छन्। पार्टीलाई थप एकताबद्ध, सुदृढ र समयानुकूल बनाउने एजेन्डासहित आफू उपसभापतिको प्रतिस्पर्धामा उत्रिएको उनले बताएका छन्।

उम्मेदवारी घोषणा गर्दै पाण्डेले कांग्रेसभित्रका सबै तह र पुस्ताका नेता–कार्यकर्तालाई संवाद, सहकार्य र साझा उद्देश्यका आधारमा एउटै सूत्रमा जोड्ने आफ्नो प्राथमिकता रहेको बताए। पार्टीको एकता र संगठन सुदृढीकरण अहिलेको आवश्यकता भएको उल्लेख गर्दै उनले त्यसका लागि आफूले सक्रिय भूमिका निर्वाह गर्ने बताए।

कांग्रेसका तीन पटक केन्द्रीय सदस्य भइसकेका पाण्डेले आफूले ४५ वर्षभन्दा बढी समय पार्टी सदस्यका रूपमा काम गरेको अनुभवलाई आगामी राजनीतिक यात्राको आधार बनाउने बताए। पुरानो अनुभवलाई नयाँ पुस्ताको ऊर्जा र सोचसँग जोडेर पार्टीलाई अघि बढाउनुपर्ने उनको भनाइ छ।

‘हिजोको अनुभव, आजको ऊर्जा र भोलिको यात्राबीचको सहकार्यबाट नयाँ आधार निर्माण गर्दै अघि बढ्नुपर्नेछ,’ पाण्डेले भने।

गण्डकी प्रदेशको मुख्यमन्त्रीका रूपमा काम गर्दा पार्टीका मूल्य, मान्यता र लोकतान्त्रिक आदर्शलाई आत्मसात् गर्दै सुशासन, पारदर्शिता र जवाफदेहितालाई प्राथमिकतामा राखेको उनले बताए।

पार्टी संगठन र सरकार सञ्चालनका क्रममा हासिल गरेको अनुभवलाई कांग्रेसको हितमा उपयोग गर्ने प्रतिबद्धता व्यक्त गर्दै पाण्डेले सुशासन, पारदर्शिता, जवाफदेहिता, निष्पक्षता, संगठन सुदृढीकरण, विचारमा स्पष्टता र संगठनमा एकतालाई आफ्नो प्राथमिकताका विषय बनाएका छन्।

उनले कांग्रेसलाई समयअनुकूल बनाउँदै लैजान सबै पुस्ता र तहका नेता–कार्यकर्ताबीच संवाद र सहकार्य आवश्यक रहेको बताए। आगामी राजनीतिक यात्रामा युवापुस्तासँगको निरन्तर सहकार्य र युवामैत्री कार्यशैलीलाई समेत प्राथमिकता दिने उनको भनाइ छ।

Read more

स्वास्थ्य पत्रकारिता पुरस्कारका लागि प्रतिभा छनोट समिति गठन

पोखरा । युआरएल फाउन्डेसनले स्थापना तथा सञ्चालन गर्दै आएको राष्ट्रिय स्वास्थ्य पत्रकारिता पुरस्कार प्रदान गर्न प्रतिभा छनोट समिति गठन गरेको छ । अग्रज पत्रकार केशवशरण लामिछानेको संयोजकत्वमा गठित…

परशु आधारभूतको हीरक जयन्ती पुस २६ मा, मिति परिवर्तनसँगै तयारी तीव्र

यसअघि पुस ९ गते हुने तय भएको कार्यक्रम १७ दिन पछि सारियो, ३ हजार वा सोभन्दा बढी सहयोग गर्ने चन्दादाताको नाम र रकम हीरक जयन्ती स्तम्भमा अंकित गरिने…

समाजसेवाको स्वर्णिम उदाहरण : लायन्स क्लबले बनायो आरोग्य भवन

पोखरा । सामाजिक सेवामा समर्पित लायन्स क्लब अफ पोखराले मानवीय सेवाको क्षेत्रमा अर्को महत्वपूर्ण योगदान दिएको छ । क्लबको २५ लाख रुपैयाँ आर्थिक सहयोगमा विन्ध्यवासिनी प्राकृतिक चिकित्सालयमा निर्माण…

नेपाली जनसम्पर्क समिति क्यानडाको संयोजकमा टोष्टराज कार्की ‘बसन्त’ मनोनीत

काठमाडौं । नेपाली कांग्रेसको १५औँ केन्द्रीय महाधिवेशन तयारी समितिले नेपाली जनसम्पर्क समिति क्यानडाको संयोजकमा टोष्टराज कार्की (वसन्त कार्की) लाई मनोनयन गरेको छ। महाधिवेशन तयारी समितिका संयोजक प्रा. डा.…

डिएलए नेपालको कार्यवाहक अध्यक्षमा वरिष्ठ अधिवक्ता जगन्नाथ ढकाल

काठमाडौं । नेपाल डेमोक्रेटिक लयर्स एसोसिएसन (डिएलए–नेपाल) को कार्यवाहक अध्यक्षको जिम्मेवारी वरिष्ठ उपाध्यक्ष तथा वरिष्ठ अधिवक्ता जगन्नाथ ढकाललाई दिइएको छ। संस्थाका अध्यक्ष वरिष्ठ अधिवक्ता सीताराम के.सी.ले २०८३ कात्तिक…

पोखरामै वैदेशिक रोजगारीमा जाने श्रमिकको स्वास्थ्य परीक्षण, काठमाडौं धाउनुपर्ने बाध्यता हट्यो

पोखरा । वैदेशिक रोजगारीमा जाने पोखरा तथा आसपासका जिल्लाका युवाले स्वास्थ्य परीक्षणका लागि काठमाडौं धाउनुपर्ने बाध्यता हट्ने भएको छ। पोखरा स्वास्थ्य विज्ञान प्रतिष्ठानअन्तर्गत पश्चिमाञ्चल क्षेत्रीय अस्पतालले वैदेशिक रोजगारीमा…