कास्कीको अन्नपूर्ण गाउँपालिकाको नेतृत्व सर्वसम्मत
पोखरा भ्यूज । नेपाली काँग्रेसको १४ औं महाधिवेशन अन्तर्गत अन्नपूर्ण गाउँपालिका कास्कीको नेतृत्व सर्वसम्मत चयन भएको छ । अन्नपूर्णका वडातहको अधिवेशन सम्पन्न भएसंगै गाउँपालिकाले पालिकाको नेतृत्व पनि सर्वसम्मत चयन गरेर अन्य ठाउँमा पनि सर्वसम्मत नेतृत्व चयनगर्नका लागि सन्देश दिएको छ । संभवत गण्डकी प्रदेश अन्तर्गतका ११ ज़िल्ला मध्ये मनाङ वाहेक अन्य ज़िल्ला भित्रका पालिकाकोअधिवेशनका लागि नेतृत्व सर्वसम्मत चयन गर्ने पालिका भएको बुझिएको छ ।
आवश्यक पदमा आवश्यकताभन्दा धेरैको उम्मेदवारी नपरेपछि सबैजना निर्विरोध भएका छन तर आधिकारिक घोषणा भने शनिबार हुने निर्वाचन अधिकृत प्रकाश शर्माले जानकारी दिए ।
- अन्नपूर्ण गाउँपालिकामा पार्टीको आगामी नेतृत्वका लागि मनपति भण्डारी नेतृत्वमा सर्वसम्मत नयाँ नेतृत्व चयन गरेको हो । भण्डारी यसअघि पनि नेपाली काँग्रेस अन्नपूर्ण गाउँपालिकाका सभापति रहेका थिए ।
समितिको उपसभापतिमा शुशील भट्टचन र गौमाया नेपाली, सचिवमा कृष्ण प्रसाद सुबेदी र विजय गुरूङ तथा सहसचिव धुर्व घले रमुक्ति गुरूङ निर्विरोध निर्वाचित भएका छन् ।
यसअघि अन्नपूर्ण गाउँपालिका अन्तरगतका वडा कार्यसमितिको नेतृत्व पनि सर्वसम्मत चयन भएको थियो । जस अनुसार वडा नं १ कोसभापतिमा वलबहादुर कुँवर, वडा नं २ को सभापतिमा पिताम्बर भण्डारी, वडा नं ३ को सभापतिमा डिल्लीराम पौडेल, वडा नं ४ कोसभापतिमा मानबहादुर केसी, वडा नं– ५ को सभापतिमा नरहरी पौडेल चयन भएका थिए ।
त्यसै गरी ६ को सभापतिमा कृष्णप्रसाद देवकोटा, ७ मा चित्रबहादुर गुरूङ ८ मा टेकबहादुर गुरूङ, ९ मा नजरमान गुरूङ, १० मा शिवगुरूङ र ११ मा विशाल गुरूङ निर्वाचित भएका थिए ।
सम्बन्धित खवर
