पोखरा भ्यूज, १२ असोज । पोखरामा विभिन्न ११ देशका राजदूत सहित विशिष्ट कुटनीतिज्ञलाई पदयात्रा गराईएको छ । पोखराकोपर्यटन क्षेत्र खुलासँगै सुरक्षित रहेको सन्देश दिन गण्डकी प्रदेश सरकारको निमन्त्रणमा आएका कुटनीतिज्ञलाई पर्यटन व्यवसायी, नेपालपर्यटन बोर्ड र सरकारको पहलमा ४२ औँ विश्व पर्यटन दिवसको अवसर पारी पदयात्रा गराइएको हो ।
कोरोना भाइरसको संक्रमणपछि थलिएको पर्यटन क्षेत्र लयमा फर्कन नसकेको अवस्थामा पोखराको पर्यटन क्षेत्र खुलासँगै सुरक्षित रहेकोसन्देश दिन बिभिन्न ११ देशका राजदूत र विभिन्न कूटनीतिक नियोगका पदाधिकारी पोखरा ल्याईएको पोखरा पर्यटन परिषद्का अध्यक्षगोपीबहादुर भट्टराईले जानकारी दिए ।
पर्यटन व्यवसायी र गण्डकी प्रदेश सरकारको पहलमा कतार, फिनल्याण्ड, बंगलादेश, जर्मनी, दक्षिण कोरिया, साउदी अरब, इजिप्ट, श्रीलंका, उत्तर कोरिया, थाइल्याण्ड, यूएईलगायत देशका राजदूत पोखरा आएका थिए । पदयात्रामा सहभागी कुटनीतिज्ञले पोखराकोसुन्दरताबाट आँफूहरूमोहित बनेको टान पश्चिमाञ्चल क्षेत्रीइ संघका अध्यक्ष सुशिलराज पौडेलले बताए ।
दुई दिनलाई पोखरा आएका राजदूत र अन्य आमन्त्रित पाहुनाहरू सोमबार विश्व पर्यटन दिवसका अवसरमा आयोजित पदयात्रामासहभागी भएका हुन । कास्कीको अन्नपूर्ण गाउँपालिका १ नौडाँडाको अपांगमैत्री ट्रेलबाट सुरू भएको पदयात्रा भुमेको स्थान, खडगाउँ, गुप्तकालिका मन्दिर हुदै कास्कीकोट स्थित कश्यप ताल आएर करिव तीन घण्टामा टुंगिएको थियो । सन् २०१८ मा नौडाँडाबाटकास्कीकोट देउरालीसम्म नेपाल पर्यटन बोर्ड, यूएनडीपीले करिव ३ किलोमीटर अपांगमैत्री ट्रेल बनाएका थिए । पदयात्रा सहभागीलाईअन्नपूर्ण गाउँपालिकाका प्रमुख युवराज कुँवर, विभिन्न आमा समूह तथा स्थानीयले स्वागत गरेका थिए ।
नेपाल आउने मध्ये आधाभन्दा बढी पर्यटक पोखरा आउने बताइन्छ । अहिले पोखराको लेकसाइडमा विदेशी पर्यटकको संख्या न्यून भनेछ । नेपाल घुम्न सुरक्षित रहेको सन्देश दिन ४२औँ विश्व पर्यटन दिवसमा पोखरामा पदयात्रा र सडक महोत्सव गरेर मनाइँदैछ ।
पर्यटन दिवसको दिन सोमबार नै पोखरामा एक दिने सडक महोत्सव गरिएको छ । रेस्टुरेन्ट एण्ड बार एसोसिएसन (रेवान) पोखराकोआयोजनामा लेकसाइडको बाराही चोकदेखि खहरेसम्म डेढ किलोमिटर क्षेत्रमा महोत्सव गरिएको हो ।
सडक महोत्सवमा राजदूज र कूटनीतिक नियोगका प्रतिनिधिलाई पनि सहभागी गराईएको थियो । पदयात्राबाट फर्किएर केही समयआराम गरेपछि उनिहरू साँझ आमन्त्रित पाहुना महोत्सवमा सहभागी गराईएको थियो ।