काठमाडौं । शेयर बजार परिसूचक नेप्से ७९.७९ अंकले गिरावट भई २७४९.८५ विन्दुमा रोकिएको छ । यद्यपि बजारले ओरालो यात्रा तय गर्दा पनि कारोबार रकममा भने सोमबार भन्दा सुधार देखिएको छ ।
आज मंगलबार २२५ कम्पनीको ६ अर्ब ५२ करोड रुपैयाँ भन्दा बढीको सेयर दोसा्रे बजारमा खरिद बिक्री भएको छ । सोमबार ४ अर्ब ४२ करोड ७ लाख रुपैयाँ बराबरको मात्र शेयर खरिद बिक्री भएको थियो । घट्दो बजारमा १७९ कम्पनीको सेयर मूल्य घटेको छ भने जम्मा ७ कम्पनीको मूल्य बढ्यो भने एक् कम्पनीको सेयर मूल्यमा कुनै परिवर्तन भएन । मंगलबार कारोबारमा आएका सबै १३ उपसमूह राताम्मे भएका छन् ।
आज विकास बैंक, फाइनान्स, निर्जिवन बिमा र अन्य उपसमूहको गिरावट कम्तीमा तीन देखि ५ प्रतिशतसम्म छ । आज साहस ऊर्जा, तेह्रथुम पावर र मानुषी लघुवित्तको सेयर मूल्य ९ प्रतिशत बढीले वृद्धि भएको छ भने आईसी एफसी फाइनान्स र महालक्ष्मी विकास बैंकको शेयर मूल्यमा नकारात्मक सर्किट लागेको छ ।
आज नबिल बैंक, शाहास उर्जा र अपी पावर कम्पनीको शेयरमा उच्च खरिद चाप देखिएको छ । नबिल बैंकको सर्वाधिक धेरै २९ करोड, साहस उर्जाको २५ र अपी पावर कम्पनीको २२ करोड रुपैयाँ भन्दा धेरैको सेयर खरिद बिक्री भएको छ ।
