पोखरा भ्यूज
२० पुस, काठमाडौं । प्रधानमन्त्री पुष्पकमल दाहाल प्रचण्डले चालु पूँजी कर्जा मार्ग दर्शन संशोधन गर्न निर्देशन दिएपछि सेयर बजार परिसूचक नेप्सेमा उछाल आएको छ । प्रधानमन्त्रीको उक्त निर्देशनपछि नेपाल राष्ट्र बैंक संशोधन गर्न तयार भएसँगै यसको सकारात्मक प्रभाव बजारमा देखिएको हो ।
बुधबार बजार ६४.८७ अंकले बढेर २१२.९४ बिन्दुमा पुगेको छ । यो ३.१५ प्रतिशतको वृद्धि हो । बुधबार २५८ धितोपत्रको ५७ हजार ३१२ वटा कारोबारबाट ८७ लाख ३३ हजार ५४२ कित्ता सेयर किनबेच भएको छ । यस दिन कारोबार रकम ३ अर्ब ५० करोड ११ लाख ४२ हजार ९७ रुपैयाँको भएको छ । बुधबार सबै उपसूचकमा हरियाली छायो ।
सबैभन्दा धेरै व्यापार उपसूचकका लगानीकर्ताले कमाए । यो उपसूचकमा ९।७४ प्रतिशतको उछाल आयो । आजको बजारमा ८ वटा धितोपत्रको मूल्यमा सकारात्मक सर्किट लागेको छ । साल्ट ट्रेडिङ, हिमालयन डिष्ट्रिलरी, कालिका लघुवित्त, मिर्मिरे लघुवित्त, किसान लघुवित्त, नाडेप लघुवित्त, पिपुल्स पावर र खप्तड लघुवित्त सकारत्मक सर्किट लागेको हो ।
कालिका पावर, आरएसडीसी लघुवित्तको समेत सर्किट लेवलमा कारोबार भयो । यद्यपि नेपाल एसबीआई डिबेन्चरका लगानीकर्ताले भने सर्वाधिक १.९९ प्रतिशतले गुमाए । सनराइज ब्लूचिप फण्ड १.७४ प्रतिशतले घट्यो । बुधबार हिमालयन डिष्ट्रिलरी, सानिमा माइ हाइड्रो, नेपाल टेलिकम, नेपाल रिइन्स्योरेन्ससहितका कम्पनीको सर्वाधिक कारोबार भयो ।
