पोखरा भ्यूज
१० फागुन, काठमाडौँ । प्रहरी नायव महानिरीक्षक (डिआईजी) अशोक सिंहले वुधबार दिएको राजीनामापत्र गृहमन्त्रलयमा पेश गरिएको छ । प्रहरी प्रधान कार्यालयले डीआईजी सिंहले दिएको राजीनामा पत्र स्वीकृतिका लागि गृह मन्त्रालयमा पठाएको हो ।
उमेरसम्बन्धी विवाद चर्किएपछि डीआईजी सिंहले बुधबार नै राजीनामा दिएका थिए । हाल सुदूरपश्चिम प्रदेश प्रहरी प्रमुख रहेका सिंहले उमेर झुक्याएर प्रहरी सेवामा वाहल रहेको भन्दै उनीविरुद्ध अख्तियारमा उजुरी परेको समाचार स्रोतको दावी छ ।
उनको नागरिकता र प्रहरी सिटरोलमा रहेको उमेर फरक–फरक भेटिएपछि प्रहरी प्रमुखको दावेदारी छोडी सिंहले राजीनामा दिएका हुन् ।
२०५१ चैत ५ मा प्रहरी निरीक्षकबाट सेवा प्रवेश गरेका सिंह नागरिकता विवाद नआएको अवस्थामा २०८१ साल चैत ५ सम्म प्रहरी सेवामा रहन्थे ।
