पोखरा भ्यूज
पोखरा,१० फागुन । पोखराका उद्योगी÷व्यवसायीहरुले बैंक तथा वित्तीय संस्थाहरुको ज्यादतीको विरोधमा सडक प्रदर्शन गर्नेे भएका छन् ।
पोखरा तथा लेखनाथ उद्योग वाणिज्य संघको आयोजनामा बिहीबार उद्योगी÷व्यवसायीहरु सडकमा ओर्लिएर प्रर्दशन गर्न लागेका हुन् ।
बैंक तथा वित्तीय संस्थाहरुबाट कर्जामा गरिएको ब्याज वृद्धि, धरपकड एवं मानसिक आतंकको विरोधमा बिहीबार चिप्लेढुंगा चोक (बीपी चोक) मा शान्तिपूर्ण विरोध प्रदर्शन गर्न लागिएको पोखरा उद्योग वाणिज्य संघका अध्यक्ष पवनकुमार प्रजापतिले जानकारी दिए ।
संघका वरिष्ठ उपाध्यक्ष गोकर्ण कार्कीका अनुसार बिहान १० बजेदेखि मध्यान्न १२ बजेसम्मको विरोध प्रदर्शनमा पोखरामा रहेका विभिन्न बस्तुगत संघको पनि सहभागिता रहने छ ।
निजी क्षेत्रको मागको सुनुवाइ नभएसम्म विरोधका कार्यक्रम जारी रहने र आवश्यक परे काठमाडौं नै पुगेर विरोध प्रदर्शन गरिने पनि उनले बताए ।
संघका महासचिव बलराम आचार्यले प्रदर्शनको क्रममा बैंक तथा वित्तीय संस्थाहरुको मनोमानीविरुद्ध प्लेकार्डसहित प्रदर्शन गरिने कार्यक्रम तय गरिएको छ ।
