अन्नपूर्ण, कास्की । अन्नपूर्ण गाउँपालिका कास्कीले आर्थिक वर्ष २०८०/०८१ को वार्षिक नीति तथा कार्यक्रमका लागि सुझाव संकलन कार्यलाई तिब्रता दिएको छ ।
गाउँपालिकाले पालिका अन्तर्गतका सबै संघ संस्थाहरु, राजनैतिक दल, बुद्धिजीवि, विज्ञ, व्यवसायी, पेशाकर्मी, कर्मचारी, संचारजगत तथा आम अन्नपूर्णवासी नागरिकहरूसँग चरणबद्व रूपमा सुझाव संकलन कार्यलाई तिब्रता दिएको हो ।
यसै सन्दर्भमा बुधवार अन्नपूर्ण गाउपालिकामा स्थाइ घर भई पोखराबाट राष्ट्रिय एवं स्थानीय सञ्चार माध्यममा कार्यरत पत्रकार तथा साहित्यकार र कलाकारहरुसँग सुझाव लिने काम सम्पन्न गरेको छ ।
सुझाव संकलन कार्यक्रममा नेपाल पत्रकार महासंघ कास्कीका पूर्व उपाध्यक्ष राजबहादुर गुरुङ, नेपाल प्रेस युनियन गण्डकी प्रदेशका अध्यक्ष टंकराज अधिकारी, प्रेस चौतारी नेपाल गण्डकी प्रदेश अध्यक्ष इन्द्र प्रसाद पौडेल, आदर्श समाज दैनिक सम्बाददाता श्रीभद्र पौडेल, स्वतन्त्र पत्रकार घनश्याम पौडेल, अधिवक्ता एवं पत्रकार बिष्णुप्रसाद अधिकारी लगाएतको उपस्थिती थियो भने कला र साहित्यको क्षेत्रबाट लोकदोहोरी प्रतिष्ठान नेपालका केन्द्रिय सचिव जिवन दाहाल, राष्ट्रिय भजन चुटकाका केन्द्रीय उपाध्यक्ष प्रेम अधिकारी, साहित्यकार अम्बिका भण्डारीलगायतको उपस्थिती रहेको थियो ।
पालिकाले यसअघि सामाजिक विकास समिति, वन वातावरण तथा विपद व्यवस्थापन समिति, विधायनसमिति, सार्वजनिक सेवा तथा क्षमता विकास समिति, पूर्वाधार विकास समिति, आर्थिक विकास समिति, वजेट तथा कार्यक्रम तर्जुमा समिति, स्थानिय राजश्व परामर्श समिति र श्रोत अनुमान तथा वजेट सिमा निर्धारण समितिसँग सुझाव संकलन गर्ने कार्य सम्पन्न गरिसकेको अन्नपूर्ण गाउँपालिका अध्यक्ष बिष्णुबहादुर केसीले जानकारी दिए ।
उनले पालिकाको बृहत बिकास र समुदायको स्तर उन्नतीका लागि पत्रकार तथा कलाकारको भूमिकाका बारेमा चासो व्यक्त गरेका थिए ।
उपास्थित संचारकर्मीले अन्नपूर्ण गाउपालिकाको बारेमा सञ्चार नीति बनाइ अगाढी बढ्नु पर्ने, लेखनबृती तथा पुरस्कार स्थापना जस्ता कुरा गर्न सके पत्रकार तथा सञ्चार माध्यमहरुले प्रसस्त सकारात्मक सदेश फैलाउनसक्ने राय सुझाव राखेका थिए ।
कार्यक्रममा उपाध्यक्ष चन्द्रकला अधिकारी, प्रमुख प्रशासकिय अधिकृत खेमराज देवकोटा, वडा नं. ७ का वडाध्यक्ष एवं पालिकाका प्रवक्ता भरतमान गुरूङ, वडा नं. १ का वडाध्यक्ष तुलसीप्रसाद अधिकारी, शिक्षाशाखा प्रमुख बलराम भुगाईलगाएत पालिका कर्मचारीहरुको उपस्थिती थियो ।
