लायन्स पैसा वालाहरुको संस्था, होइन दिलवालाको संस्था हो – खेतान

पोखरा । लायन्स अन्तर्राष्ट्रियका पूर्व डाईरेक्टर ई. सञ्जय खेतानले लायन्स पैसा वालाहरुको संस्था होइन, दिलवालाको संस्था रहेको बताएका छन् । लायन्स अन्तर्राष्ट्रिय डिष्ट्रिक्ट ३२५ आई नेपालको लायन बर्ष २०२४/२५का लागि मनोनित डिष्ट्रिक्ट पदाधिकारीको प्रशिक्षण कार्यक्रमको उद्घाटन सत्रमा खेतानले उक्त कुरा बताएका हुन् । जसले समाजका लागि केही गर्न तयार हुन्छन् भने उनीहरुलाई लायन्समा भित्र्याउन सकिन्छ, पैसा मात्रै हेर्नु नहुने खेतानले बताए ।
की–नोट स्पीकर समेत रहेका खेतानले डिष्ट्रिक्ट ३२५ आई नेपालमा अन्य डिष्ट्रिक्ट भन्दा सवल नेतृत्व रहेको बताए । रिडिष्ट्रिङ भएपछि बनेको डिष्ट्रिक्ट ३२५ आई नेपाल कहिले पनि दोस्रो हुन नपरेको भनाई ब्यक्त गरेका थिए । खेतानले नेपाल सदस्यता बृद्धिका क्षेत्रमा अग्र स्थानमा रहेको पनि बताए । संस्थालाई अझै हामीले संस्थालाई बलियो बनाउन सदस्यता बृद्धि गर्न आवश्यक छ, यो बृद्धिलाई अझै कायम राख्न आग्रह समेत गरेका थिए ।

नेपालमा लायन्समार्फत सामाजिक क्षेत्रमा थुप्रै काम भएकोले नेपालका लायन्स क्लबले लायन्स अन्तर्राष्ट्रियमा सबैको मन जित्न सफल भएको बताए ।
नेपालमा लायन्स क्लब मार्फत शिक्षा, स्वास्थ्यको क्षेत्रमा धेरै काम भई रहेको छ, नेपालको सामुदायिक बिकास गर्न धेरै सहयोगको आवश्यकता रहेको उनले बताए ।
नेपालमा लायनिजमको भविष्य निकै सुन्दर रहेको बताउदै खेतानले लायन्सको स्ट्रेन्थ वृद्धि भइरहेको पनि बताए  । उनले मेम्बर र क्लबहरु बढ्दा सेवाका हातहरु पनि बढ़छन्, नेपालमा दुर्गम भन्दा दुर्गम स्थानमा सेवा पुर्याउने काम लायन्स मार्फत भइरहेको छ भने आगामी दिनमा यो संख्या अझै बढ्नेछ । मेम्बरसिप बृद्धिले एकातर्फ संस्था बलियो हुन्छ भने अर्कोतर्फ कन्ट्रिव्युसनका क्षेत्रमा राम्रो हुने भनाई राखेका थिए ।