काठमाडौं । लायन्स अन्तर्राष्ट्रिय, मल्टिपल डिष्ट्रिक्ट ३२५ नेपालका मल्टिपल म्यागाजिन चिफ एडिटर तथा लायन्स अभियानका सक्रिय अभियन्ता मनबहादुर रोका लायन्स क्लब्स इन्टरनेसनल फाउन्डेसन (LCIF) को Constitutional Area VI अन्तर्गत Social Ambassador पदमा नियुक्त भएका छन्।
लायन्स मल्टिपल डिष्ट्रिक्टका को–अर्डिनेटर तथा पूर्व मल्टिपल काउन्सिल चेयरपर्सनसमेत रहेका रोकालाई LCIF का मानवीय, सामाजिक तथा सेवामूलक अभियानलाई डिजिटल माध्यमबाट व्यापक रूपमा प्रवर्द्धन गर्ने जिम्मेवारीसहित सो पदमा नियुक्त गरिएको हो।
नयाँ जिम्मेवारीअन्तर्गत रोकाले LCIF का कार्यक्रम, मानवीय सहायता, सामाजिक उत्तरदायित्व तथा समुदायकेन्द्रित सेवाका गतिविधिलाई सामाजिक सञ्जाल तथा अन्य डिजिटल सञ्चार माध्यममार्फत प्रभावकारी रूपमा प्रवर्द्धन गर्नेछन्। यसबाट नेपाललगायत Constitutional Area VI अन्तर्गतका क्षेत्रमा LCIF का अभियान र सेवाको पहुँच तथा प्रभाव विस्तार गर्न सहयोग पुग्ने अपेक्षा गरिएको छ।
लायन्स अभियानमा लामो समयदेखि सक्रिय रहेका रोकाले यसअघि विभिन्न नेतृत्वदायी तथा संस्थागत जिम्मेवारी सम्हालिसकेका छन्। लायन्स अभियान, सामाजिक सेवा तथा सञ्चार क्षेत्रमा हासिल गरेको उनको अनुभवले LCIF का उद्देश्य र मानवीय सेवाका कार्यक्रमलाई अन्तर्राष्ट्रिय डिजिटल प्लेटफर्ममा थप प्रभावकारी रूपमा प्रस्तुत गर्न योगदान पुग्ने विश्वास गरिएको छ।
रोकाको नियुक्तिलाई नेपालमा LCIF का मानवीय सेवा र सामाजिक अभियानलाई अन्तर्राष्ट्रिय समुदायसम्म पुर्याउने महत्वपूर्ण अवसरका रूपमा समेत हेरिएको छ। विशेषगरी सामाजिक सञ्जालको बढ्दो प्रभावलाई उपयोग गर्दै सेवाका उपलब्धि, मानवीय सहयोगका अभियान र समुदायमा पारिएको सकारात्मक प्रभावलाई विश्वव्यापी लायन्स समुदाय तथा आम जनसमक्ष पुर्याउन उनको भूमिका महत्वपूर्ण हुने अपेक्षा गरिएको छ।
रोकालाई लायन्स डिष्ट्रिक्ट ३२५ आई नेपालका डिष्ट्रिक्ट गभर्नर सूर्य केसीले सामाजिक सञ्जालमार्फत बधाई तथा शुभकामना व्यक्त गरेका छन्। केसीले रोकाले नयाँ जिम्मेवारी सफलतापूर्वक निर्वाह गर्दै LCIF को प्रभाव र पहुँच विस्तारमा महत्वपूर्ण योगदान पुर्याउने विश्वास व्यक्त गरेका छन्।
लायन्सको मूल भावना “Serve, Share, Inspire” लाई आत्मसात् गर्दै रोकाको नयाँ जिम्मेवारीले मानवीय सेवा, सामाजिक उत्तरदायित्व र सहयोगका अभियानलाई अझ व्यापक बनाउँदै अन्तर्राष्ट्रिय स्तरमा सकारात्मक प्रभाव सिर्जना गर्ने अपेक्षा गरिएको छ।
