नेप्से परिसूचक २.४१ प्रतिशतले बढ्यो
पोखरा भ्यूज
काठमाडौं । बैंक तथा वित्तीय संस्थाहरुले ब्याजदरमा गरेको निर्णयमाथि राष्ट्र बैंकले हस्तक्षेप गरी दुई दिनभित्र समायोजन गर्न निर्देशन दिएको भोलिपल्टै शेयर बजारमा सकारात्मक प्रभाव परेको छ । लगातार दुई दिनसम्म घटेको बजार बुधबार ६०.५६ अंकले उकालो लाग्दै २५७१.६६ विन्दुमा पुगेर रोकिएको छ । यो वृद्धिदर २.४१ प्रतिशत हो ।
नेपाल राष्ट्र बैंकले बैंक तथा वित्तीय संस्थालाई ब्याजदर घटाउन मंगलबार ३ बुँदे निर्देशनसहित कडाइ गरेको थियो । उक्त निर्देशनको प्रभावका कारण बुधबार शेयर बजार नेप्सेमा उत्साह देखिएको छ ।
बुधबार कुल २१७ कम्पनीको कारोबार भयो । ३४ हजार ६४४ वटा कारोबारबाट ६१ लाख १ हजार ४१४ कित्ता शेयर किनबेच भएको छ । बुधबार कारोबार रकम भने मात्र २ अर्ब ६७ करोड ९० लाख २८ हजार १ सय ५५ रुपैयाँमा सिमित भयो ।
बुधबार वित्त, जलविद्युत, विकास बैंक, अन्य, व्यापारसहितका उपसमूह हरियाली देखिएको छ । आँखुखोला जलविद्युत कम्पनी, युनिभर्सल पावर कम्पनी र मैलुङखेला जल विद्युत कम्पनीको शेयरमूल्य सबैभन्दा धेरै १० प्रतिशतले वृद्धि भयो ।
एनआईबीएल प्रगति फण्ड, मिथिला लघुवित्त वित्तीय संस्था, एनआईसी एसिया लघुवित्त, साधना लघुवित्तको शेयर मूल्य भने सबैभन्दा धेरैले घटेर राताम्य बनेका छन् ।
सम्बन्धित खवर
