विभिन्न मुद्दामा कसूरदार ठहर भएका फरार १० प्रतिवादी पक्राउ
पोखरा भ्यूज
पोखरा। विभिन्न कसूरमा अभियोग दावी ठहर भएका १० जना फरार प्रतिवादीहरु पक्राउ परेका छन् । जिल्ला प्रहरी कार्यलय कास्की र तनहुँँको प्रहरी टोलीले यही कार्तिक ८, ९ र १० गते गरी ती फरार प्रतिवादीहरुलाई पक्राउ गरेको हो ।
उनीहरुमाथि कुन कुन कसुरमा मुद्दा दर्ता भई कसूदर ठहरिएका हुन् भन्नेबारे प्रहरीले केही पनि खुलाएको छैन । फरार प्रतिवादीको सूचीमा रहेका उनीहरुलाई विशेष सुचनाको आधारमा खटिएको प्रहरी टोलीले पक्राउ गरेको प्रदेश प्रहरी कार्यालयको बुलेटिनमा उल्लेख छ ।
पक्राउ परेकामध्ये ३ तनहुँ र ७ कास्कीका छन् । उनीहरुमाथि कारवाहीको प्रक्रिया अघि बढाइएको प्रहरीको भनाई छ ।
© कपीराईट–यस पोष्टमा प्रकाशित समाचार या लेख सर्वाधिकार सुरक्षीत छ । यहाँ प्रकाशित समाचार हुबहु कसैले
जानकारी विना साभार गरेको पाइएमा कानुनी कार्वाही गर्न बाध्य हुनेछौ ।
सम्बन्धित खवर
