गण्डकी प्रदेश सभापतिमा शर्मा र जोशी बीच प्रतिष्पर्धा हुने
पोखरा भ्यूज । नेपाली कांग्रेसको गण्डकी प्रदेश सभापतिमा कास्कीका शुक्रराज शर्मा र पर्वतका अर्जुन जोशी बीच प्रतिष्पर्धा हुने भएको छ ।
प्रदेश सभापतिमा पौडेल–कोइराला प्यानलबाट कास्कीका शुक्रराज शर्मा उठ्ने भएका हुन । वरिष्ठ नेता रामचन्द्र पौडेलले बिहीबार साँझ आयोजित एक कार्यक्रमबीच शर्मालाई उम्मेदवार बनाउने घोषणा गरेका छन ।
संस्थापनइतर समूहबाट प्रदेश सभापतिमा शर्मासहित पाँच जना आकांक्षी रहेका थिए । जसमा कास्कीकै यज्ञबहादुर थापा, देवराज चालिसे, नवलपुरका महेन्द्रध्वज जिसी र तनहुँका रघुनाथ पौडेल सभापतिका आकांक्षी थिए ।
पाँच जना नेताको दाबी परेपछि सहमति जुटाउन बिहीबार बिहानैदेखि वरिष्ठ नेता रामचन्द्र पौडेल, महामन्त्री शशांक कोईराला, केन्द्रीय सदस्यहरू दिलबहादुर घर्ती, कमला पन्त र जिवन परियार साझा उम्मेदार बनाउन छलफलमा जुटिराखेका थिए । अन्य पदाधिकारी टुंगो शुक्रबार बिहान लाग्ने बताईएको छ ।
संस्थापन पक्षबाट भने अर्जुन जोशीले यस अघि नै उम्मेदवारी घोषणा गरिसकेका छन् । उनको समूहबाट उपसभापतिमा मेखलाल श्रेष्ठ र नेत्र महत, महामन्त्रीमा ईश्वर पाण्डे र कुमार खड्का तथा सह महामन्त्रीमा झुलबहादुर आले, राजनराज पन्त र ओमकला गौतम उम्मेदवार रहने बताईएको छ ।
© कपीराईट–यस पोष्टमा प्रकाशित समाचार या लेख सर्वाधिकार सुरक्षीत छ । यहाँ प्रकाशित समाचार हुबहु कसैले
जानकारी विना साभार गरेको पाइएमा कानुनी कार्वाही गर्न बाध्य हुनेछौ ।
सम्बन्धित खवर
