पोखरा । कास्कीको माछापुच्छ्रे गाउँपालिकाको अध्यक्ष र उपाध्यक्षमा नेपाली कांग्रेसकाले जीत हासिल गरेका छन् । पालिकाको अध्यक्षमा मीनबहादुर गुरुङ र उपाध्यक्षमा सिता अधिकारी विजयी भएका हुन् ।
नेपाली कांग्रेसका गुरुङले नेकपा एमालेका विक्रम गुरुङलाई ४ सय ८२ मतान्तरले पराजित गरेका थिए । अध्यक्षमा विजयी भएका मीनबहादुरले ५ हजार ९ सय ८१ मत प्राप्त गरेका थिए भने एमालेका विक्रमले ५ हजार ५ सय १५ मत प्राप्त गरेका थिए ।
त्यसैगरी, गाउँपालिकाको उपाध्यक्षमा नेपाली कांग्रेस कैं सिता अधिकारी निर्वाचित भएकी छिन् । उनले एमालेकी सीता तिवारीलाई ४ सय २५ को मतान्तरले पराजित गरेकी छिन् । अधिकारीले ५ हजार २ सय ७५ मत प्राप्त गरेकी थिईन् । उनकी प्रतिस्पर्धी एमालेकी तिवारीले ४ हजार ८ सय ९७ मत प्राप्त गरेकी थिईन् ।
९ वटा रहेको गाउँपालिकामा ७ वटा वडामा कांग्रेसले जीत हासिल गरेको छ ।जसमा वडा नं. १ मा इन्द्र गुरुङ, वडा नं. २ मा गणेश आचार्य, वडा नं. ३ मा हरिचन्द्र लम्साल, वडा नं. ४ मा मधुसुदन अधिकारी, वडा नं. ५ मा नारादप्रसाद पौडेल, वडा नं. ८ मा राम गुरुङ र वडा नं. ९ मा हरिबहादुर क्षेत्रीले वडाध्यक्षमा जीत हासिल गरेका छन् । ६ मा एमालेका टेकनाथ गौतम र ७ मा नेकपा माओवादीका बैकुण्ठ भण्डारीले जित हासिल गरेका छन ।
