एजेन्सी
१६ मंसिर, कतार। दक्षिण कोरियाले पोर्चुगललाई २-१ ले पराजित गर्दै कतारमा जारी फिफा विश्वकप फुटबलको अन्तिम १६ मा प्रवेश गर्न सफल भएको छ । कोरियाकातर्फबाट वैकल्पिक खेलाडी ह्वाङ हि चानले इन्जुरी टाइममा पोर्चुगोलमाथि गोल गरेपछि दक्षिण कोरिया अन्तिम १६ मा प्रवेश गर्न सफल भएको हो ।
पोर्चुगललाई पराजित गरेपछि कोरिया समूह एफमा ४ अंक जोड्दै उपविजेताको रुपमा अन्तिम १६ मा प्रवेश गरेको हो ।
यसै समूहको अर्को खेलमा उरुग्वेले घानालाई २-० ले पराजित गर्दै कोरिया समान ४ अंक नै जोड्यो । तर अंक र गोल अन्तर समान भए पनि समूह चरणमा धेरै गोल गरेका आधारमा कोरिया भाग्यमानी बन्यो ।
पराजित भए पनि पोर्चुगल ६ अंक जोड्दै समूह विजेता बन्यो । यसअघि नै दुई खेल जित्दै अन्तिम १६ मा स्थान पक्का गरिसकेको पोर्चुगलले केही मुख्य खेलाडीलाई कोरिया विरुद्ध आराम दिएको थियो ।बराबरीले नै पोर्चुगललाई समूह विजेता बन्न पर्याप्त थियो । तर कोरियासँग पराजित भए पनि पोर्चुगल समूह विजेता बन्यो ।
रिकार्डो होर्थाले गोल गर्दै पोर्चुगललाई पाँचौं मिनेटमै अग्रता दिलाएका थिए । तर, २७औं मिनेटमा कोरियाका लागि किम योङ ग्वनले बराबरी गोल फर्काए ।
त्यसपछि दुवै टोलीले गोल थप्ने प्रयासमा लागे । पोर्चुगलका क्रिस्टियानो रोनाल्डोले गोल गर्ने दुई राम्रा अवसर सदुपयोग गर्न सकेनन् ।
