पोखरा भ्यूज
६ चैत, काठमाडौं । मंगलबार घोडेजात्राको दिन काठमाडौँ उपत्यकामा सार्वजनिक बिदा छ । तर उक्त दिन बैंकिङ सेवा सञ्चालन राख्न नेपाल राष्ट्र बैंकले बैंक तथा वित्तीय संस्थाहरुलाई निर्देशन दिएको खबर छ ।
राष्ट्र बैंकले आज एक सूचना जारी गर्दै भोलि बैंकिङ सेवा प्रभावित नहुने व्यवस्था मिलाउन बैंक वित्तीय संस्थाहरुलाई लाई निर्देशन दिएको बताएको छ ।
घोडेजात्राका दिन काठमाडौँ उपत्यकामा सार्वजनिक बिदा रहेता पनि उपत्यका बाहिरका कार्यालयमा हुने नगद कारोबार, विद्युतीय चेक भुक्तानी (इसिसी), आरटिजिएस लगायतका आवश्यक बैंकिङ सेवा सञ्चालन राख्न इजाजत प्राप्त बैंक तथा वित्तीय संस्थाका सम्बन्धित विभाग तथा कार्यालय खुला राखी आवश्यक व्यवस्था मिलाउन राष्ट्र बैंकद्वार सोमबार जारी सूचनामा उल्लेख छ ।
