PokharaViews

पोखरा भ्यूज
२३ साउन, काठमाडौं । अन्ततः नेपाल सरकार र गौर हत्याकाण्ड पीडित संघर्ष समितिबीच पाँचबुँदे सहमति भएको छ । सरकारसँगको सहमतिपछि संघर्ष समितिले आन्दोलनका सबै कार्यक्रम स्थगित गरेको छ ।

मंगलबार गृह मन्त्रालयमा भएको वार्तामा घटनाको छानबिन गरेर दोषीलाई कानुन बमोजिम कारबाही प्रक्रिया अगाडि बढाउने, घटनामा मृत्यु भएकाहरुको स्मृतिमा शहीद स्मारक स्तभ बनाउने, घाइतेहरुको उपचार र आर्थिक सहायताका लागि अनुरोध गर्ने सहमति भएको छ ।

रौतहटको गौरमा २०६३ चैत्र ७ मा भएको घटनामा २६ जनाको मृत्यु भएको थियो । उक्त घटनामा संलग्नहरुलाई कारबाही गर्न माग गर्दै संघर्ष समितिले चरणबद्ध आन्दोलनका रुपमा १३ साउनदेखि धर्ना दिनुका साथै प्रदर्शन गर्दै आएको थियो ।