ज्येष्ठ नागरिक दिवसका अवसरमा २ जनालाई नगर पिता र नगर माताको सम्मान
पोखरा भ्यूज
पोखरा । ३३ ओैं अन्तर्राष्ट्रिय ज्येष्ठ नागरिक दिवसका अवसरमा पोखरा महानगरपालिकाले ज्येष्ठ नागरिकहरू मध्ये २ जनालाई नगर पिता र नगर माताको सम्मान प्रदान गरेको छ ।
पोखरा महानगरपालिका—२६ का १०३ वर्षीय प्रजापति पोखरेललाई महानगर पिता र पोखरा ७ निवासी १०६ वर्षीय इन्द्रकला गौतमलाई महानगर माताको सम्मान प्रदान गरिएको हो । गौतमलाई उपप्रमुख मञ्जुदेवि गुरुङ र वडा नं ७ का अध्यक्ष राममोहन आचार्य तथा प्रजापतिलाई पोखरा २६ का वडा अध्यक्ष नरेन्द्र थापाले सम्मान गरेका थिए । 
उनीहरूलाई नगद सहित सम्मान गरिएको सामाजिक विकास महाशाखाकी प्रमुख निर्मला शर्माले बताईन् ।
गौतम महानगरपालिकाकी सर्वाधिक उमेरकी ज्येष्ठ नागरिक घोषित भएकी छन् । महानगरपालिकाले प्रत्येक वर्ष ज्येष्ठ नगरबासी मध्ये २ जनालाई महानगर माता र पीता घोषणा सहित सम्मान गर्ने गर्दछ ।
© कपीराईट–यस पोष्टमा प्रकाशित समाचार या लेख सर्वाधिकार सुरक्षीत छ । यहाँ प्रकाशित समाचार हुबहु कसैले
जानकारी विना साभार गरेको पाइएमा कानुनी कार्वाही गर्न बाध्य हुनेछौ ।
सम्बन्धित खवर
