पोखरा भ्यूज
११ कात्तिक, पोखरा । आज खण्डग्रास चन्द्रग्रहण लाग्दै छ । कोजाग्रत पूर्णिमाको रात लाग्ने चन्द्रग्रहण नेपालबाट देख्न सकिनेछ । खण्डग्रास ग्रहणको सुरुवात शनिबार राति १ बजेर २० मिनेटबाट आरम्भ भई २ बजेर ३८ मिनेटमा मोक्ष हुनेछ ।
खण्डग्रास चन्द्रग्रहणको कुल अवधि १ घण्टा १८ मिनेटको हुनेछ । यो खण्डग्रास चन्द्रग्रहण नेपालका सबै भूभागबाट देखिनेछ खगोलविद्हरुले बताएका छन् ।
उनीहरुका अनुसार युरोप, अफ्रिका र एसियाको पूरै भूभागबाट र अस्ट्रेलिया तथा उत्तर र दक्षिण अमेरिकाको केही स्थानबाट समेत देख्न सकिनेछ । गत वर्ष कात्तिक ८ गते सूर्यग्रहण र २२ गते चन्द्रग्रहण लागेको थियो ।
