PokharaViews

पोखरा भ्यूज

१५ कात्तिक, काठमाडौं । प्रहरीले लागूऔषध कारोवारीका अभियुक्त प्रक्राउ गर्न काठमाडौंको गोठाटारमा गोली चलाएको छ । लागूऔषध कारोबारी भारतीय नागरिक मोहमद करिमलाई पक्राउ गर्न प्रहरीले उनीमाथि गोली चलाएको हो ।

उनले पक्राउ गर्न खटिएको प्रहरी टोलीमाथि आक्रमण गर्न खोजेपछि उनीमाथि गोली चलाउनु परेको उपत्यका अपराध अनुसन्धान कार्यालयका एसपी रवीन्द्र रेग्मीले बताए ।

अभियुक्त करिमको दाहिने तीघ्रामा गोली लागेको प्रहरीले बताएको छ । उपत्यका अपराध अनुसन्धान कार्यालयले उनको साथबाट दुई सय ग्राम खैरो हेरोइन र तराजु बरामद गरेको छ । उनीसँगै नेपाली नागरिक हर्क लिम्बु पनि पक्राउ परेको प्रहरीले जनाएको छ ।