पोखरा । तीज पर्वको अवसर पारी लायन्स डिष्ट्रिक्ट ३२५ आई नेपालले दर खुवाउने कार्यक्रम गरेको छ । शनिबार एक कार्यक्रमको आयोजना गर्दै पोखरा बास्तोलाथरस्थित पोखरा पाटी प्यालेसमा दर खुवाउने कार्यक्रम आयोजना गरिएको फ़ेलोशीप डिष्ट्रिक्ट को-अर्डिनेटर भरतराज सिग्देलले बताए ।
डिष्ट्रिक्ट को–चिफ एडभाईजर शान्ता देवी थापा भण्डारीको अध्यक्षता डिष्ट्रिक्ट ३२५ आई नेपालका डिष्ट्रिक्ट गभर्नर बिनोद ढुङगानाको प्रमुख अतिथ्यतामा कार्यक्रम भएको थियो । कार्यक्रममा डिष्ट्रिक्टका प्रथम भाईस डिष्ट्रिक्ट गभर्नर पार्वती खरेर पाण्डे, द्वितीय भाईस डिष्ट्रिक्ट गभर्नर सूर्य कुमार केसी, पूर्व डिष्ट्रिक्ट गभर्नर रामबहादुर बसेल लगायतको बिशेष उपस्थिति रहेको थियो ।
डिष्ट्रिक्ट को–चिफ एडभाईजर अमृत शोभा खत्रीको संचालन रहेको कार्यक्रममा डिष्ट्रिक्ट फस्ट लेडि बद्रिका ढुङगानाले स्वागत मन्तव्य रहेको थियो । कार्यक्रममा डिष्ट्रिक्ट गभर्नर ढुङगानाले डिष्ट्रिक्ट फस्ट लेडि बद्रिका ढुङगाना, प्रथम भाईस डिष्ट्रिक्ट गभर्नर पार्वती खरेल पाण्डे र पिड़िजी स्पाउस भावना बसेललाई सम्मान गरेका थिए ।
कार्यक्रममा गत बर्ष को तीज फेलोशीपबाट बचत भएको रकम १६ हजार र एनएलएफ सेलेब्रेसनबाट बचतभएको रकम ७ हजार रूपैया यो बर्षका क्याविनेट ट्रेजरर पवित्रराज तिवारीलाई हस्तान्तरण समेत गरिएकोथियो ।
कार्यक्रमलाई थप रौनक़ बनाउन लोक गायिका शान्ती डोटेलले लाली जोवन कस्लाई साँच्ने, अरे लालुमाई, राष्ट्रिय गीत प्रकृतिको सुन्दर देश हाम्रो लगाएतका तीज गीतले माहोल तताएको थियो ।
