पोखरा । श्री गण्डकी शत कुण्डीय कोटिहोम विराट् ज्ञान महायज्ञको प्रचार प्रसार गर्दै धार्मिक तथा सामाजिक सद्भावको सन्देश दिन मानवसेवा फाउण्डेशनले यहि बैशाख ११ गते विहान ७ बजे साइकल र्याली गर्ने भएको छ ।
पोखरा महानगरपालिका वडा नं १७ बिरौटामा सञ्चालन भइरहेको ऐतिहासिक कोटीहोम स्थलबाट बिरौटाबाटशुरु भएको साईकल र्याली ड्यामसाईडबाट लेकसाइड हुँदै हल्लनचोक, जिरोकिलोमिटर, मालेपाटन, बाग्लुङ्गबस पार्क हुँदै बिन्दवासिनी मन्दिर, भैरवटोल, नालामुख, तेश्रापट्टी, महेन्दपुल, चिप्लेढुङ्गा, न्यूरोड, सभागृहचोक, पृथ्वीचोक, नागढुङ्गा, पुरानो एयरपोर्ट तथा पार्दी हुँदै पुन कोटीहोम स्थल विरौटामा गई समापन हुने आयोजकमानवसेवा फाउण्डेशनले जनाएको छ ।
त्यस्तै, फाउण्डेशनले १२ गते मोटसाइकल र्याली, १३ गते ट्याक्सी र्याली, १४ गते फेवातालमा डुङ्गा र्याली गर्दैबैशाख १६ गते बृहत कशलयात्रा समेत गर्ने भएको छ ।
स्वास्थ्य, वातावरण तथा पर्यटन प्रवर्द्धनका लागि साइकल र्यालीले महत्वपूर्ण सन्देश प्रवाह गर्ने, साइक्लिङकामाध्यमबाट इन्धनको बचत गर्न, मानव स्वास्थ्यलाई सधैँ चुस्त राख्न र यसका माध्यमबाट पोखरा भ्रमण बर्ष२०२५ लाई टेवा पुर्याउन साइकल र्याली फलदायी हुने महायज्ञका संकल्पकर्ता विजय कृष्णमुर्ति महाराजले बताए ।
आयोजकले उक्त कार्यमा सहभागिताका लागि सम्पूर्ण पोखरेली आव्हान समेत गरेको छ ।
