अन्नपूर्ण, कास्की । नेपाल आर्मीका तिलक बहादुर सुनुवार र अन्तर्राष्ट्रिय अल्ट्रा धावक सुनमाया बुढा पाँचौं सस्करणको अन्नपूर्ण म्याराथनको च्याम्पियन भएका छन् । अन्नपूर्ण आधार शिविर देखि घान्द्रुकसम्मको ४२.१९५ किलोमिटर दूरीमासम्पन्न प्रतियोगितामा उनीहरु च्याम्पियन भएका हुन् ।
अन्नपूर्ण सेन्चुरी पर्यटन समितिको आयोजना तथा नेपाल एडभेन्चर रनिङ फेडेरेशनको प्राविधिक व्यवस्थापनमाअन्नपूर्ण आरोहणको हिरक महोत्सव ७५ वर्ष पुगेको अवसरमा सम्पन्न प्रतियोगितामा पुरुषतर्फ तिलकले४ः२४ः०४ सेकेण्डमा दुरी पार गरी च्याम्पियन भए भने नेपाल आर्मीका होमलाल श्रेष्ठ ४ः३०ः४८ सेकेण्डको समयलिंदै दोस्रो भएका छन् । त्यस्तै ४ घन्टा ३३ मिनेट २१ सेकेण्डको समयमा दौड पुरा गरी दल बहादुर कुँवरले तेस्रोस्थान हात पारे । यस्तै स्थानियतर्फ सचिन गुरूङले बाजी मारे । उनले ४ घन्टा ३६ मिनेट ०३ सेकेण्डमा दौड पुरागरेका थिए
यस्तै महिला तर्फ सुनमाया च्याम्पियन बनिन् । उनले ४ घन्टा ४१ मिनेट २५ सेकेण्डको समयमा दौड पुरा गरिन्भने दोस्रो भएकी राममाया बुढाले ४ घन्टा ५० मिनेट २४ सेकेण्डको समय लिइन् । सुनमाया र राममाया दुबैजनासहोदर दिदी बहिनी समेत हुन् । तेस्रो भएकी कल्पना बुढाले ५ घन्टा २ मिनेट ४० सेकेण्डको समय लिइन् ।
प्रतियोगितामा बिजेता खेलाडीहरुले क्रमश नगद रु प्रथमले १ लाख ५० हजार, दोस्रोले १ लाख र तेस्रोले नगदरु ७५ हजारका साथमा मेडल तथा प्रमाणपत्र प्राप्त गरेका छन् । म्याराथनतर्फ ७ विदेशी धावकसहित ७०जनाले सहभागिता जनाएको प्राविधिक सहयोगी रिक्की योञ्जनले जानकारी दिए । कुल ८४ जनाले दर्ता गरेपनि खराव मौसम र स्वास्थ्यका कारण ७७ जनाले दौड पुरा गर्ने उनले बताए । जसमा १४ जना महिलाहरुकोसहभागिता रहेको थियो ।
कार्यक्रममा विभिन्न सांस्कृतिक प्रस्तुतीहरु संगै विभिन्न क्षेत्रका वक्ताहरुले आजको दिन जुन ३ महत्वपूर्णरहेको बताउँदै यस क्षेत्रको दिगो पर्यटनको विकास संगै सहाशिक खेलकुदको गन्तव्य बनाउनु पर्नेमा जोडदिएका थिए ।
‘सबै मौसमका लागि पर्यटन’ भन्ने नाराका साथ समुन्द्री सतहको ४ हजार १ सय ३० मिटर उचाई भएको अन्नपूर्ण आधार शिविरबाट शुरु हुने म्याराथन माछापुच्छ्रे आधार शिविर, बगर, देउराली, हिमालय, दोभान, बम्बो, सिनुवा, भनुवा, छोम्रोङ, तउलु घुर्जुङ, चुइले, मेलाँचे, कोम्रोङडाँडा, किम्रोङखोला, उरीहुँदै घान्द्रुक आई समापन भएको थियो ।
