काठमाडौँ — राष्ट्रिय सभामा हाल शक्ति सन्तुलन बदलिएको छ। नेपाली कांग्रेस दोस्रो शक्तिबाट पहिलोमा उक्लिएको छ भने नेकपा (एकीकृत माओवादी/समाजवादी एकीकरणपछि) आठ सिट गुमाएर दोस्रो शक्तिमा झरेको छ। एमाले तेस्रो शक्तिमा कायम छ।
गत आइतबार १९ पदमध्ये १७ स्थानका लागि निर्वाचन भएको थियो। कांग्रेस–एमाले गठबन्धनले १७ वटै सिट जितेको छ। यसमा कांग्रेसले ९, एमालेले ८, र जसपालाई १ सिट दिइएको थियो। यस जीतसँगै कांग्रेसको कुल सिट संख्या २५ पुगेको छ।
एमालेका १० मध्ये ८ जनाको पदावधि सकिएको थियो, र उनीहरु फेरि निर्वाचित भएका छन्। नेकपाका २५ सांसदमध्ये पदावधि सकिएका ८ जनाले सिट गुमाएका छन्। एकीकृत जसपाका ४ सांसदमध्ये २ को पदावधि सकिएको छ; गठबन्धनमा जसपाले १ सिट पाएको छ।
पदावधि सकिएका सबै सांसदको औपचारिक बिदाइ फागुन २१ देखि सुरु हुनेछ।
फागुन २१ पछि राष्ट्रिय सभाको समीकरण: कांग्रेस: २५, नेकपा: १७, एमाले: १०, जसपा नेपाल: ३, जनमोर्चा: १, मनोनीत: ३
