अन्नपूर्ण केबलकारको आकर्षक अफर: श्रावणका प्रत्येक सोमबार साँझ ४ बजेपछि मात्र रु. २५० मा यात्रा गर्न पाइने
पोखरा। अन्नपूर्ण केबलकारले श्रावण महिनाभर आन्तरिक पर्यटकलाई लक्षित गर्दै विशेष छुट योजना सार्वजनिक गरेको छ। कम्पनीका निर्देशक दिनेश पौडेलका अनुसार श्रावण महिनाको प्रत्येक सोमबार बेलुका ४ बजेपछि केबलकारमा यात्रा गर्ने यात्रुले प्रति व्यक्ति मात्र रु. २५० मा सेवा लिन सक्नेछन्।
यस विशेष अफरले धार्मिक तथा मनोरञ्जनात्मक यात्रालाई थप सहज र किफायती बनाउने विश्वास कम्पनीले जनाएको छ। श्रावण सोमबार भगवान् शिवको दर्शन तथा पोखराको प्राकृतिक सौन्दर्य अवलोकन गर्न जाने भक्तजन र पर्यटकलाई लक्षित गर्दै यो योजना ल्याइएको निर्देशक पौडेलले बताए।
यसैबीच, कम्पनीले वर्षायामका कारण श्रावण १ गतेदेखि भदौ मसान्तसम्म बिहानको सेवा अस्थायी रूपमा बन्द रहने जानकारी पनि दिएको छ। उक्त अवधिमा केबलकार दैनिक बिहान ५:०० बजेदेखि बेलुका ७:०० बजेसम्म सञ्चालन हुनेछ। अन्नपूर्ण केबलकारले यात्रुहरूलाई सेवा लिनुअघि सञ्चालन समयको जानकारी लिएर यात्रा गर्न अनुरोध गरेको छ।
© कपीराईट–यस पोष्टमा प्रकाशित समाचार या लेख सर्वाधिकार सुरक्षीत छ । यहाँ प्रकाशित समाचार हुबहु कसैले
जानकारी विना साभार गरेको पाइएमा कानुनी कार्वाही गर्न बाध्य हुनेछौ ।
