२०८३ मंसिर १, मंगलबार Tuesday, November 17, 2026
खबर

दुई दशकको सामाजिक–आर्थिक अनुभवसहित कांग्रेस केन्द्रीय सदस्यमा भरतराज ढकाल

बालबालिकाको संरक्षणदेखि युवा रोजगारी, वृद्धवृद्धाको स्वास्थ्य र निजी क्षेत्रका समस्या समाधानलाई प्राथमिकता दिने प्रतिबद्धता

स्याङ्जा — नेपाली कांग्रेसका युवा नेता तथा सफल व्यवसायी भरतराज ढकालले पार्टीको १५औँ महाधिवेशनमा खुलातर्फ केन्द्रीय सदस्य पदमा उम्मेदवारी दिने घोषणा गरेका छन्। उनले बालबालिकाको संरक्षण, युवाको शिक्षा र रोजगारी, वृद्धवृद्धाको स्वास्थ्य तथा निजी क्षेत्रका समस्या समाधानलाई आफ्नो मुख्य एजेन्डा बनाएका छन्।

ढकालले राजनीतिलाई पद प्राप्तिको माध्यमभन्दा पनि नीति निर्माण र सेवामार्फत समाज तथा मुलुकको आर्थिक रूपान्तरण गर्ने अवसरका रूपमा लिएको बताएका छन्। विभिन्न क्षेत्रमा दुई दशकभन्दा लामो समय काम गरेको अनुभवलाई पार्टीको नीति निर्माणमा उपयोग गर्न केन्द्रीय सदस्यमा उम्मेदवारी दिन लागेको उनको भनाइ छ।

स्याङ्जाको आँधीखोला गाउँपालिका–६ फापरथुमका ढकाल विद्यार्थी जीवनदेखि नै सामाजिक तथा राजनीतिक गतिविधिमा सक्रिय रहँदै आएका छन्। बालबालिका, वातावरण, सहकारी, बैंकिङ तथा वित्तीय संस्था र कृषि क्षेत्रमा काम गर्दै उनले आफ्नो सामाजिक तथा व्यावसायिक पहिचान बनाएका छन्।

२०५७ सालमा अनाथ तथा गरिब बालबालिकाको संरक्षणका लागि स्याङ्जामा सहारा बालगृह स्थापना गरेका ढकालले २०५९ मा रोयल सहकारी स्थापना गरी सहकारी अभियानमा समेत सक्रियता देखाए। २०६३ सालमा मुक्तिनाथ विकास बैंक स्थापना प्रक्रियामा नेतृत्वदायी भूमिका निर्वाह गरेका उनी पछिल्लो डेढ दशकदेखि नेपालको वित्तीय क्षेत्रमा सक्रिय छन्।

पछिल्लो एक दशकदेखि मुक्तिनाथ कृषि कम्पनीमार्फत कृषि क्षेत्रमा मूल्य शृंखला र रोजगारी सिर्जनाको अभियान चलाउँदै आएका ढकालले औद्योगिक विकाससँगै वातावरणमा परेको प्रभावबारे राष्ट्रिय तथा अन्तर्राष्ट्रिय मञ्चमा नेपालको पक्ष राख्दै आएका छन्। उनी नेपाल पत्रकार महासंघ स्याङ्जा शाखाका संस्थापक सदस्यमध्येका एकसमेत हुन्।

जनजी विद्रोहपछि कांग्रेसको विशेष महाधिवेशनमा सक्रिय ढकाल २०८२ को प्रतिनिधिसभा सदस्य निर्वाचनमा स्याङ्जा क्षेत्र नं. १ बाट कांग्रेसका उम्मेदवारसमेत बनेका थिए। विभिन्न क्षेत्रमा काम गरेर हासिल गरेको अनुभवलाई अब कांग्रेसको नीति र संगठन सुदृढीकरणमा प्रयोग गर्ने उनको भनाइ छ।

‘समाज र निजी क्षेत्रले भोग्दै आएका समस्यालाई नीतिगत रूपमा सम्बोधन गर्नुपर्छ,’ ढकालले भनेका छन्, ‘बालबालिकाको पोषण, युवाको शिक्षा र रोजगारी, वृद्धवृद्धाको स्वास्थ्य, निजी क्षेत्रका समस्या र मुलुकको आर्थिक अवस्था सुधारका लागि आफ्नो क्षमताले भ्याएसम्म काम गर्न केन्द्रीय सदस्यमा उम्मेदवारी दिन लागेको हुँ।’

Read more

नेपाली जनसम्पर्क समिति क्यानडाको संयोजकमा टोष्टराज कार्की ‘बसन्त’ मनोनीत

काठमाडौं । नेपाली कांग्रेसको १५औँ केन्द्रीय महाधिवेशन तयारी समितिले नेपाली जनसम्पर्क समिति क्यानडाको संयोजकमा टोष्टराज कार्की (वसन्त कार्की) लाई मनोनयन गरेको छ। महाधिवेशन तयारी समितिका संयोजक प्रा. डा.…

डिएलए नेपालको कार्यवाहक अध्यक्षमा वरिष्ठ अधिवक्ता जगन्नाथ ढकाल

काठमाडौं । नेपाल डेमोक्रेटिक लयर्स एसोसिएसन (डिएलए–नेपाल) को कार्यवाहक अध्यक्षको जिम्मेवारी वरिष्ठ उपाध्यक्ष तथा वरिष्ठ अधिवक्ता जगन्नाथ ढकाललाई दिइएको छ। संस्थाका अध्यक्ष वरिष्ठ अधिवक्ता सीताराम के.सी.ले २०८३ कात्तिक…

पोखरामै वैदेशिक रोजगारीमा जाने श्रमिकको स्वास्थ्य परीक्षण, काठमाडौं धाउनुपर्ने बाध्यता हट्यो

पोखरा । वैदेशिक रोजगारीमा जाने पोखरा तथा आसपासका जिल्लाका युवाले स्वास्थ्य परीक्षणका लागि काठमाडौं धाउनुपर्ने बाध्यता हट्ने भएको छ। पोखरा स्वास्थ्य विज्ञान प्रतिष्ठानअन्तर्गत पश्चिमाञ्चल क्षेत्रीय अस्पतालले वैदेशिक रोजगारीमा…

‘खोइ किसुनजीको सादगी, गणेशमानको त्याग ?’ पूर्ण तिमिल्सिनाको कांग्रेस नेतृत्वलाई प्रश्न

पोखरा । नेपाली कांग्रेसको संगठनात्मक गतिविधि, नेतृत्वको कार्यशैली र आमकार्यकर्तासँगको सम्बन्धलाई लिएर पार्टीभित्रै असन्तुष्टिका स्वर सुनिन थालेका छन्। पार्टी सुधारको बहस चलिरहेका बेला नेपाली कांग्रेसका महासमिति सदस्य तथा…

कांग्रेसको छवि नेताकार्यकर्ताको व्यवहारबाटै बन्ने हो : महामन्त्री पौडेल

नागरिकसँग जिम्मेवार, मर्यादित र जनमैत्री व्यवहार गर्न पार्टीका नेता–कार्यकर्तालाई निर्देशन पोखरा । नेपाली कांग्रेसका महामन्त्री प्रदीप पौडेलले पार्टीको जिम्मेवारीमा रहेका नेता तथा कार्यकर्ताको व्यवहारले नै कांग्रेसको समग्र छवि…

गण्डकी कांग्रेसको नेतृत्वमा मेखलाल श्रेष्ठको दाबेदारी, महामन्त्रीमा गंगाधर पराजुलीको चर्चा

पोखरा । नेपाली कांग्रेसको १५औँ महाधिवेशनअन्तर्गत नियमित महाधिवेशन पक्षधरले गण्डकी प्रदेशको दोस्रो अधिवेशन आगामी मंसिर ५ र ६ गते पोखरामा गर्ने तय गरेसँगै प्रदेश नेतृत्वका लागि राजनीतिक सरगर्मी…