आन्तरिक राजश्य कार्यालयको कर्मचारी भन्दै रकम असुलेको अभियोगमा ८ जना पक्राउ
पोखरा भ्यूज
२५ मंसिर, काठमाडौं । अनाधिकृत रुपमा रकम असुलेको अभियोगमा प्रहरीले ८ जनालाई पक्राउ गरेको छ । उनीहरुले आफूहरु आन्तरिक राजश्य कार्यालयको कर्मचारी भएको भन्दै सरकारी पोशाकमा काठमाडौंको बसपार्क क्षेत्रका होटल र पसलबाट रकम असुल गरेको अवस्थामा प्रहरीले पक्राउ गरेको हो ।
उनीहरुले काठमाडौंको बसपार्क क्षेत्रका होटल, रेष्टुरेन्ट, पसल र फुटपाथ पसलबाट समेत गरी ५ लाख रुपैयाँ भन्दा बढी रकम असुलेको प्रहरीको प्रारम्भिक अनुसन्धानबाट खुलेको छ ।
प्रहरीका अनुसार पक्राउ पर्नेमा पूर्वी नवलपरासीका मीनबहादुर बिक, पाँचथरकी सिर्जना भट्टराई, अछामकी सागर जंग लुहार, सिन्धुपाल्चोककी प्रमिसा तामाङ, अछामकी दूधकला विक, नुवाकोटकी अञ्जना तामाङ र कञ्चनपुरका राजीव विष्ट र डेविड धामी छन् ।
उनीहरुले आन्तरिक राजस्व कार्यालयको कर्मचारीले जस्तै पोशाक लगाउनुका साथै परिचय पत्र पनि बोकेका थिए । पक्राउ परेका राजीव विष्ट र डेविड धामीको डेराबाट आन्तरिक राजस्व कार्यालयको जस्तै स्टाम्प, लेटरप्याड, रसिद र परिचयपत्र भेटिएको छ । उनीहरुविरुद्ध ठगी र कीर्तेसम्बन्धी कसुरमा अनुसन्धान भइरहेको प्रहरीको भनाइ छ ।
© कपीराईट–यस पोष्टमा प्रकाशित समाचार या लेख सर्वाधिकार सुरक्षीत छ । यहाँ प्रकाशित समाचार हुबहु कसैले
जानकारी विना साभार गरेको पाइएमा कानुनी कार्वाही गर्न बाध्य हुनेछौ ।
सम्बन्धित खवर
