पोखरा भ्यूज
१३ फागुन, काठमाडौं । नेकपा एमालेका नेता सुवास नेम्वाङले राष्ट्रपति पदका लागि उम्मेदवारी दिएका छन् । उनले शनिबार दिउँसो नयाँ बानेश्वरस्थित राष्ट्रपति तथा उपराष्ट्रपति निर्वाचन २०७९ निर्वाचन अधिकृतको कार्यालय पुगेर उम्मेदवारी दिएका हुन् ।
नेम्वाङको उम्मेदवारी दर्तामा ५ प्रस्ताव र ५ समर्थकमा एमालेकै सांसद रहेका छन् । निर्वाचन अधिकृतको कार्यालयले दिएको जानकारी अनुसार नेम्वाङको प्रस्तावकमा अध्यक्ष केपी शर्मा ओली, पृथ्वीसुब्बा गुरूङ, गोकर्णराज विष्ट, रघुबीर महासेठ र छविलाल विक रहेका छन् ।
नेम्वाङको समर्थकमा योगेश भट्टराई, टोपबहादुर रायमाझी, जुलीकुमारी महतो महासेठ, दिलकुमारी रावल थापा र अमनकुमार मास्के रहेका छन्। राष्ट्रपतिको चुनाव फागुन २५ हुने कार्यतालिका छ ।
