पोखरा भ्यूज
पोखरा । नेपाल प्रहरीको पुलिस क्लबले जारी २३ औं सस्करणको आहा!रारा पोखरा गोल्ड कपमा क्वाटरफाइनलमा स्थानमा आफ्नो स्थान सुरक्षित गरेको छ । सहारा क्लब पोखराको आयोजनामा जारी प्रतियोगिता अन्तर्गत शुक्रबारको खेलमा सशस्त्र प्रहरीको एपिएफ क्लब नेपाल पुलिस क्लब संग २–० ले पराजित हुँदै बाहिरिए पछि पुलिसले क्वाटर फाइनलमा स्थान सुरक्षित गरेको हो ।
पुलिस क्लबका लागि दुबै गोल मान बहादुर परियारले गरेका हुन् । उनले पहिलो गोल १९ औं मिनेटमा गरे । डि बक्स भन्दा केही परबाट प्रताप गुरुङको प्रहारलाई हेडमार्फत गोलको बाटो देखाए ।
त्यस्तै दोश्रो गोल खेलको ७१ औं मिनेट हेडमार्फत नै गरे । गोलपोष्टमा लागेर रिबाउण्ड भएको बललाई उनले गोल गरेका थिए ।
२० औं संस्करणको उपाधि बिजेता समेत रहेको एपिएफले पटक–पटक गरेका गोलका प्रयासहरुलाई पुलिसका किपर शत्रुधन चौधरीले विफल बनाएका थिए । खेलको ३३ औं मिनेटमा प्रदीप लामाको प्रहार क्रसबारमा लागेर फर्किदा एपिएफ गोल बराबरी गर्नबाट चुक्यो । कर्नर किकमा पाएको अर्को एक अवसरलाई प्रदिपले हेडमार्फत गोल गर्न प्रयासलाई किपर शत्रुधनले क्लियर गर्दै जोगाए ।
जितसंगै नेपाल पुसिलसे माघ १६ गते हुने क्वाटर फाइनलमा चर्च ब्वाइजको सामना गर्नेछ ।
शनिबार पहिलो सेमीफाइनल खेल हुने क्लबका महासचिब रामजी प्रसाद अधिकारीले जनाएका छन् । विदेशी पाहुना टोली भुटानको पारो एफसी नेपाली ए डिभिजनको क्लब थ्रिस्टार संग भिड्ने छ ।
पारो एफसी पहिलो पटक आहा रारा पोखरा गोल्डकपमा सहभागि हुन आएको हो । पारो एफसी पहिलो पटक पोखराको मैदानमा अवतरण गर्दा प्रिक्वाटरमा आयोजक सहारालाई २–१ ले पराजित गरेको थ्रीस्टारको भिडन्त दर्शनिय हुने अपेक्षा आयोजकले गरेको छ । तस्विर : पोखरासिटी
