काठमाडौं । काठमाडौंको सिनामंगलबाट ११ जना विदेशी नागरिक पक्राउ परेका छन् । पक्राउ परेका सबै अफगानी नागरिक हुन् ।
नेपाल प्रहरीको केन्द्रीय अनुसन्धान व्यूरो सिआईबीले सोमबार विहान सिनामंगलको एक घरबाट उनीहरुलाई पक्राउ गरिएको हो । पक्राउ परेकामध्ये ६ जनासँग नक्कली भारतको आधारकार्डसमेत बरामद भएको सिआईबीले जनाएको छ ।
तालिबान नेतृत्वले अफगानिस्तानको सत्ता सम्हालेपछि उनीहरु भागेर भारत हुँदै नेपाल प्रवेश गरेका थिए । उनीहरु रुपन्देहीको नेपाल–भारत सिमाना बेलहियाबाट नेपाल प्रवेश गरेको प्रारम्भिक अनुसन्धानबाट खुलेको छ ।
