नेपाल बारको आन्दोलन संविधान संशोधनसम्म पुग्ने अध्यक्ष श्रेष्ठको दावी
काठमाडौं । नेपाल बार एशोसिएसनका अध्यक्ष चण्डेश्वर श्रेष्ठले न्यायपालिका शुद्धीकरणका लागि संविधान संशोधनसम्मको मागमा केन्द्रित हुने धारणा सार्वजनिक गरेका छन् ।
प्रधानन्यायाधीश चोलेन्द्रशम्शेर जबराको राजीनामा माग गर्दै नेपाल बारले शुरु गरेको धर्नापछि पत्रकारसँग संक्षिप्त कुराकानी गर्दै अध्यक्ष श्रेष्ठले त्यस्तो धारणा सार्वजनिक गरेका हुन् ।
उनले न्यायालयलाई विकृति विसंगतिमुक्त बनाउन संविधान संशोधनको विकल्प अघि सारिने बताए । मौजुदा संविधानमा न्यायाधीश नियुक्तिसम्बन्धी व्यवस्थाले न्यायालयमा विकृति देखिएको उनको दावी छ ।
न्यायालयलाई विकृति विसंगतिमुक्त बनाउन वाध्य भई प्रधानन्यायाधीशजस्तो संस्थाको विरोधमा उत्रिनुपरेको उनको भनाइ छ ।
सर्वोच्च अदालत बार एशोसिएसनका अध्यक्ष पूर्णमान शाक्यले पनि संविधान संशोधनसम्मको आन्दोलन अघि बढाउने धारणा राखे । उनले आफूहरुले कोही व्यक्तिविरुद्ध नभई प्रवृत्तिका विरुद्ध कानून व्यवसायी सडकमा आउनु परेको जिकिर गरे ।
सम्बन्धित खवर
