पोखरा भ्यूज
२ माघ, पोखरा । पोखरामा आइतबार भएको यति एयरलाइन्सको दुर्घटनाग्रस्ता विमानमा ४ यात्रुको अवस्था अझै पत्ता लागेको छैन । अहिलेसम्म ६८ जनाको शव भेटिएको छ भने ४ जनाको अवस्था अज्ञात रहेको र उनीहरुबारे खोजी कार्य जारी रहेको जिल्ला प्रशासन कार्यालय कास्कीले जनाएको छ ।
आइतबार काठमाडौंबाट पोखराका लागि उडेको यती एअरलाइन्सको विमान पुरानो पोखरा विमानस्थल पछाडिको सेती खोंचमा दुर्घटनामा परेको थियो । उक्त विमानमा चालकदलका ४ जनासहित ७२ जना सवार थिए ।
उद्धारमा समस्या भएपछि क्रेनको प्रयोग गरिएको छ भने गोताखोरको प्रयोग भइरहेको छ । शवलाई पोस्टमार्टमका लागि पोखरा स्वास्थ्य विज्ञान प्रतिष्ठानमा राखिएको छ । भेटिएका शवमध्ये हालसम्म ३८ जनाको सनाखत भएको छ । ‘सनाखत नभएका व्यक्तिहरुलाई आझै काठमाडौं हेलिकप्टरबाट लगेर डीएनए परीक्षण गरी आफन्तलाई बुझाउने तयारी छ ।
