पोखरा भ्यूज
२६ भदौ, काठमाडौं । नेकपा एमालेले पार्टी उपाध्यक्ष एवम् संविधानसभा अध्यक्ष सुवास नेम्वाङको निधनको शोकमा तीन दिनसम्म औपचारिक कार्यक्रम नगर्ने निर्णय गरेको छ ।
पार्टी केन्द्रीय कार्यालय च्यासलमा मंगलबार बसेको सचिवालय बैठकले पूर्वनिर्धारित सम्पूर्ण कार्यक्रम स्थगित गर्ने निर्णय गरेको हो । बैठकपछि आयोजित पत्रकार सम्मेलनमा नेकपा एमालेका उपमहासचिव प्रदीप ज्ञवालीले देशका सबै पार्टी कार्यालयहरुमा तीन दिनसम्म पार्टीको झण्डा आधा झुकाउने निर्णय समेत भएको जानकारी दिए ।
उनका अनुसार केन्द्रीय कार्यालय, प्रदेश कार्यालय र इलामको पार्टी कार्यालयमा शोक पुस्तिकासमेत राखिने छ ।
