नेपालको सुखद सुरुवात, सिंगापुरमाथि ८ विकेटको जित
पोखरा भ्यूज
१३ कात्तिक, कीर्तिपुर। टी–२० विश्वकपको एसिया छनोटमा नेपालले सुखद् सुरुवात गरेको छ । सोमबार भएको पहिलो खेलमा नेपालले सिंगापुरमाथि ८ विकेटको जित हात पार्दै टी–२० विश्वकपको एसिया छनोट खेलमा सुखद् सुरुवात गरेको हो ।
त्रिवि क्रिकेट मैदान, कीर्तिपुरमा सिंगापुरले दिएको १४६ रनको लक्ष्य नेपालले कुशल भुर्तेलको अर्धशतकको मदतमा १६.३ ओभरमा मात्र २ विकेट गुमाएर भेट्टायो ।यसअघि टस जितेर पहिले ब्याटिङ गरेको सिंगापुरले निर्धारित २० ओभरमा ९ विकेट गुमाएर १४५ रन बनाएको थियो ।
नेपालको जितमा कुशल भुर्तेलले ७४ रन योगदान गरे । यसैगरी आसिफ शेखले २७ रन बनाए । कप्तान रोहित पौडेल ३५ र कुशल मल्ल ६ रनमा नटआउट रहे ।
© कपीराईट–यस पोष्टमा प्रकाशित समाचार या लेख सर्वाधिकार सुरक्षीत छ । यहाँ प्रकाशित समाचार हुबहु कसैले
जानकारी विना साभार गरेको पाइएमा कानुनी कार्वाही गर्न बाध्य हुनेछौ ।
सम्बन्धित खवर
