पोखरा उद्योग वाणिज्य संघको अध्यक्षमा कार्की विजयी
कास्की । पोखरा उद्योग वाणिज्य संघको ३५औं महाधिवेशनबाट अध्यक्ष पदमा गोकर्ण कार्की विजयी भएका छन् ।
भदौ २८ र २९ गते सम्पन्न भएको महाधिवेशन अन्तर्गत भएको मतदानको आइतबार साँझ घोषणा गरिएको अन्तिम मत परिणाम अनुसार उनले १ हजार ३ सय ८१ मत प्राप्त गरे। उनका प्रतिद्वन्द्वी अर्जुन पोखरेलले ९ सय २३ मत प्राप्त गरे । नवनिर्वाचित कार्की संघको वरिष्ठ उपाध्यक्ष हुन् ।
यसैगरी वरिष्ठ उपाध्यक्षमा उत्तममान बुद्धाचार्य, उद्योगतर्फको उपाध्यक्षमा दिनेशचन्द्र बाँस्तोला, वाणिज्यतर्फको उपाध्यक्षमा बलराम आचार्य, महासचिवमा शोभा गौतम र कोषाध्यक्षमा मनोज कुमार श्रेष्ठ यस अघि नै निर्विरोध निर्वाचित भएका थिए भने उप–महासचिवमा बालकृष्ण कोईरालालाई पराजित गर्दै सुदीप प्रधानाङ विजयी भएका छन् ।
त्यस्तै खुल्ला १० सदस्यको लागि १४ जना बीच प्रतिष्पर्धा भएकोमा ललित कुँवर, देबेन्द्र प्रजु, सौगात थापा, भीम गौतम, दूधमान गुरुङ, जीवनप्रकाश श्रेष्ठ, टीकाराम सुवेदी, रामचन्द्र तिमिल्सिना, प्रदीप राजभण्डारी र यादवराज पोखरेल विजयी भएका छन् ।
चारजना वस्तुगत संघमा सुर्य घिमिरे, दुर्गा बराल, पृथ्वीराज तिमिल्सिना र नबिन नापित बिजयी भएका छन् । कार्यसमितिको सदस्यहरुमध्ये कर्पोरेट सदस्य तर्फ बन्दना केसी र राम कंडेल तथा औधोगिक सदस्यमा एकनारायण पौडेल पनि यस अघि नै निर्बिरोध भएका थिए।
सम्बन्धित खवर
