ढुंगाड बस्तीमा करिब ६० जना मानिस उद्दारको पर्खामा

पोखरा भ्यूज
बैतडी । अविरल वर्षाले सेती नदीमा आएको बाढी अचानक बैतडीको सिगास गाउँपालिका ५ को ढुंगाड बस्तीमा पसेपछि करिब ६० जना मानिस उद्दारको पर्खामा रहेका छन् । बस्तीको दायाँबायाँबाट सेतीको बाढी पसेर टापु बनाएको छ । बस्तीमा १०५ घरधुरी छन् ।

सोमबार राति १ बजेदेखि बाढी पसेको थियो । वस्तीमा बाढी आएपछि राति नै धेरै स्थानीय भागेर ज्यान बचाउन सफल भएका थिए । रातिदेखि नै प्रहरी उद्दार टोली घटनास्थल वस्तीमा पुगेको छ ।

स्थानीय फँसेको खबर आए पनि यकिन विवरण प्राप्त भइनसकेको प्रहरीले बताएको छ ।