पोउवा संघको वरिष्ठ उपाध्यक्षमा सापकोटाले उम्मेदवारी दिने
पोखरा । पोखरा उद्योग वाणिज्य संघको भदौ २४ र २५ गते हुने ३४औं महाधिवेशनका लागि वरिष्ठ उपाध्यक्षमा हरिहर सापकोटाले उम्मेदवारी दिने भएका छन् । उनले अध्यक्षका उम्मेदवार अर्जुन पोखरेलको प्यानलबाट उम्मेदवारी दिने भएका हुन् ।
यस अगाडि २ कार्यकाल कार्यसमितिमा रहेर काम गरिसकेका सापकोटाले आसन्न निर्वाचनका लागि वरिष्ठ उपाध्यक्षमा उम्मेदवारी घोषणा गरेका हुन् ।
कार्यसमितिमा आउनु अगाडि पनि सापकोटाले संघका विभिन्न उपसमितिमा रहेर काम गरिसकेका छन् । व्यावसायिक क्षेत्रमा काम गर्दा संगालेको लामो अनुभवबाट आफूले निजी क्षेत्रको छाता संस्थामा वरिष्ठ उपाध्यक्ष भएर उद्योगी व्यवसायीहरुको हकहितमा काम गर्ने सोच बनाएको सापकोटाले बताए । ‘सम्पूर्ण उद्योगी व्यवसायीको माया पाउनेमा विश्वस्त छु,’ उनले भने ।
© कपीराईट–यस पोष्टमा प्रकाशित समाचार या लेख सर्वाधिकार सुरक्षीत छ । यहाँ प्रकाशित समाचार हुबहु कसैले
जानकारी विना साभार गरेको पाइएमा कानुनी कार्वाही गर्न बाध्य हुनेछौ ।
सम्बन्धित खवर
