अन्नपूर्णमा नि:शुल्क मुटु रोग स्वास्थ्य शिविर हुने
पोखरा भ्यूज
अन्नपूर्ण, कास्की । स्वस्थ मुटु नेपालले अन्नपूर्ण गाउँपालिका, कास्कीमा मुटुरोग सम्बन्धि निःशुल्क स्वास्थ्य शिविर गर्ने भएको छ ।स्वस्थ मुटु नेपालको आयोजना, टाईगर ग्रुप नेपालको सहयोग र अन्नपूर्ण गाउँपालिका कास्कीको स्थानीय व्यवस्थापनमा असोज १२ गते शनिवार अन्नपूर्ण–२, ढिकुर पोखरीस्थित नागडाडाँ स्वास्थ्य चौकीमा मुटुरोग सम्बन्धि निःशुल्क स्वास्थ्य शिविर गर्ने भएको हो ।
‘मुटु रोगको पहिचान, यस्को रोकथाम’ भन्ने मूल नाराका साथ स्थापित स्वस्थ मुटु नेपालले निशुल्क मुटु रोग शिविर संचालन गर्ने संस्थाका अध्यक्ष डा. सूर्य देवकोटाले बताए । विश्व मुटु दिवसको पूर्वसन्ध्यामा हृदयरोग निवारणका क्षेत्रमा क्रियाशिल यस संस्थाले स्वस्थ समाज निमार्णको उद्देश्य बोकेका अन्य संस्थाहरुसँगको सहकार्यमा चिकित्सक तथा आवश्यक जनशक्ति, उपकरण र औषधि आदिको व्यवस्थापन गरी एक दिने निशुल्क मुटु स्वास्थ्य शिविरको आयोजना गरिएको अध्यक्ष डा. देवकोटाले बताए ।
उक्त स्वास्थ्य शिविरका लागि पालिकाको तर्फबाट आवश्यक संसाधन, व्यवस्थापकिय सहयोग तथा समन्वयका लागि अनुरोध गर्ने निर्णय समेत गरेको संस्थाका सचिव प्रकाश बिक्रम जिसीले बताए ।
शिविरमा मुटु रोग सम्बन्धी परामर्श, ई.सी.जी, ईको कार्डियोग्राफी सेवा साथै निशुल्क औषधी वितरण गरिनेछ।
शिविर सम्पन्न गर्नका लागि स्वस्थ मुटु नेपालका उपाध्यक्ष भरत पराजुलीको संयोजकत्वमा ७ सदस्यीय कार्यसम्पादन समिति गठन समेत गरिएको छ । जसमा ऋषिराम पौडेल (अन्नपूर्ण गाउँपालिका, कास्की स्वास्थ्य शाखा प्रमुख), बाबुराम भण्डारी, रमेश भण्डारी, बिष्णु बहादुर क्षेत्री, इन्द्र प्रसाद पौडेल र टंकराज अधिकारी सदस्य रहेका छन् ।
शिविर सम्पन्न गर्नका लागि चरक मेमोरियल हस्पिटलले प्राविधिक सहयोग गर्नेछ भने नेपाल रेडक्रस सोसाईटी कास्की, ढिकुर पोखरी समाज, अन्नपूर्ण बचत तथा ऋण सहकारी संस्थालगाएतले शिविरमा आवश्यक सहयोग गर्नेछन्।
सम्बन्धित खवर
