पोखरा स्वास्थ्य विज्ञान प्रतिष्ठानमा प्रथम दीक्षान्त समारोह सम्पन्न
पोखरा भ्युज
पोखरा । प्रधानमन्त्री केपी शर्मा ओलीले नेपालमा शिक्षा र स्वास्थ्यमा ठूलो परिवर्तन भएको बताएका छन् ।कुलपति हैशियतमा पोखरा स्वास्थ्य विज्ञान प्रतिष्ठानको बिहीबार प्रथम दीक्षान्त समारोहमा उपस्थितप्रधानमन्त्री ओलीले सम्बोधन गर्दै शिक्षा र स्वास्थ्य क्षेत्रलाई अझ उन्नत बनाउन सरकार प्रयासरत् रहेकोसमेतबताए ।
उनले नेपालमा व्यवस्थामात्र नभई, अवस्था पनि परिवर्तन भएको दाबी गरे । ‘कोही–कोही मान्छेहरु भन्ने गरेकाछन्, व्यवस्था परिवर्तन भो, अवस्था परिवर्तन भएन, जस्ताको जस्तै छ,’ उनले व्यङ्ग्य गर्दै भने, ‘यो चाहिँ के भो?’
उनले अगाडि भने, ‘पोखरा स्वास्थ्य विज्ञान प्रतिष्ठान स्थापना भएपछि २ सेसनमा विद्यार्थी उत्तीर्ण गराइसक्यो ।यही पढ्न कति गाह्रो थियो । कहाँ पुग्नुपथ्र्यो ।’ उनका अनुसार २००४ सालमा पहिलोपल्ट एसएलसीको परीक्षाकेन्द्र नेपालमा राखेको थियो । पहिलोपल्ट ८० जना विद्यार्थीले भाग लिएकोमा ४ जना महिलाहरु थिए ।
‘अहिले यति धेरै युनिभर्सिटी छन्, यति धेरै कलेजहरु छन् । यति ठूलो चार–पाँचको लाखको संख्यामा एकैपल्टपरीक्षा लिन्छौं । अनि अवस्थामा परिवर्तन भएन ?’ प्रधानमन्त्री ओलीले भने ।
उनले स्वास्थ्य क्षेत्रमा पनि नेपालले फड्को मारेको बताए । मिर्गौला प्रत्यारोपण नहुँदो हो त आफ्नो २० औंवार्षिक पुण्यतिथि पनि भइसक्ने उल्लेख गरे । उनले भने, ‘पोखरामै १४ जनाको किड्नी ट्रान्सप्लान्ट गरिसकेकाछौं । यो त मेडिकल साइन्सको कुरा हो । ज्ञानको कुरा हो ।’ ओलीले मुलुकमा अनेक क्षेत्रमा परिवर्तन र प्रगतिहासिल हुँदै गएकाले ऋषिमुनिले भन्दै आएको ‘सर्वे भवन्तु सुखिनः’ को आधुनिक रूप ‘समृद्ध नेपाल, सुखीनेपाली’ को गन्तव्यलाई ध्यानमा राखेर आफूले काम गरिरहेको बताए ।
उनले भने, ‘अहिलेका विद्यार्थीलाई थाहा नहुन सक्छ । २८ सय वर्षअघि यही क्षेत्रमा तक्षशिला विश्वविद्यालयथियो । ५ हजार वर्षअघिका वेद छन् । ४ हजार वर्षअघिका औषधी विज्ञानको ईतिहास छ । गणित, खगोलशास्त्रको इतिहास हाम्रा पुर्खाले बनाए ।’ उनले आफूहरु विद्वानका पुर्खाका सन्तान भएको उल्लेख गर्दैपुर्खाले ज्ञानको सुरूवात गरेको पनि बताए ।
दीक्षित भएका विद्यार्थीलाई उपलब्धिहरु हासिल गर्दै जान, योग्य, नमुना आदर्श योग्य नागरिक बन्न सुझाव दिए। उनले भने, ‘तपाईंहरु यो समाजका लागि उपयोगी हुन सक्नोस् । आज तपाईंहरुमात्र खुसी हुनुभएको छैन, तपाईंहरुको परिवारका सदस्यहरु पनि खुसी हुनुभएको छ ।’ पढेर कहिले नसकिने उनको कथन थियो ।पढाइसँगै विनम्रता आवश्यक रहेको भन्दै उनले मानिसमा घमण्ड पलाउन दिनु नहुने सुझाव दिए । ‘घमण्ड भयोभने भित्र केही पस्न दिँदैन । पढेको मान्छे पनि चिनिनु परो नि, विनयशीलता, शालीनता हुन्छ पढेको मान्छेमा,’ उनले भने ।
सय वर्षमा स्वीडेनले धेरै विकास गरेको उदाहरण दिँदै उनले भने, ‘हामी उठ्न नसक्ने कुनै कारण छैन । हामीसूचना प्रविधि र आर्टिफिसियल इन्टेलिजेन्सको सदुपयोग गर्दै विकासमा अगाडि बढ्नेछौं । चीनले त्यत्रोजनसंख्यालाई छोटो समयमा गरिबीको रेखामुनिबाट उठायो । हामीले पनि हाम्रो देश आफैँ बनाउन लाग्नुपर्छ ।’ ज्ञान अरूको पनि लिनुपर्ने र आफैँले काम गर्नुपर्ने उनले बताए ।
प्रतिष्ठानको पहिलो तथा दोस्रो ब्याचमा डक्टर अफ मेडिसिन तथा मास्टर्स अफ सर्जरी ४३ जना विद्यार्थी उत्तीर्णभएका हुन् । तीमध्ये दीक्षान्त समारोहको फर्म भरेका ३८ विद्यार्थी बिहीबार दीक्षित भएको जानकारीप्रतिष्ठानका उपकुलपति प्राडा डुकबहादुर क्षत्रीले दिए । यस्तै, २ विद्यार्थीलाई उपकुलपति पदकबाट दीक्षितगरियो । जसमा मास्टर्स अफ सर्जरी इन अर्थाेपेडिकमा प्रथम ब्याचका अरबिन्दकुमार शाह र दोस्रो ब्याचकामास्टर्स अफ सर्जरी इन जनरलका आशीष सापकोटा छन् । ओलीले प्रतिष्ठानलाई हरेक वर्ष दीक्षान्तसमारोहको परिपाटी बसाल्न सुझावसमेत दिए ।
समारोहमा सहकुलपति हैशियतले स्वास्थ्य तथा जनसंख्या मन्त्री प्रदीप पौडेल पनि सम्बोधन गर्दै स्वास्थ्यक्षेत्रमा सरकारका उपलब्धिसँगै योजनाबारे जानकारी दिए ।
पोखरा नर्सिङ कलेज परिसरमा भएको समारोहमा प्रमुख अतिथिको रूपमा स्वीडेनको क्यारोलिन्स्काइन्स्टिच्यूटका प्राध्यापक म्याग्नुस वेस्टग्रेन उपस्थित थिए ।
यसैबीच, प्रधानमन्त्री ओलीले प्रतिष्ठानको नवनिर्मित प्राज्ञिक तथा आकस्मिक भवनको उद्घाटन गरेका थिए ।उनले १७ करोडको लागतमा बनेको उक्त भवनको निरीक्षणसमेत गरे ।
सम्बन्धित खवर
