‘कसले सुधार्छ काँग्रेस’ पुस्तक विमोचन
काठमाँड़ौं । लेखक तथा राजनीतिज्ञ शङ्कर तिवारीको ‘कसले सुधार्छ काँग्रेस’ पुस्तक विमोचन भएको छ। प्रमुख अतिथि नेपाली काँग्रेसका युवानेता गगनकुमार थापाले मंगलवार काठमाँडौंमा आयोजित एक कार्यक्रममा उक्त पुस्तकको विमोचन गरेका हुन ।
पुस्तकको विमोचन गर्दै नेता थापाले पुस्तकका लेखक तिवारीको बौद्धिक क्षमताको खुलेर तारिफ गरेका थिए ।नेता थापाले काँग्रेसको १४ औँ महाधिवेशन सम्बन्धि स्मरण गराउदै पार्टी संकटमा रहेको र त्यसबाट पार्टीलाई मुक्त गर्न महाधिवेशन प्रतिनिधिहरूले विवेक पुर्याउनु पर्नेमा जोड दिएका थिए ।
सो अवसरमा पुस्तकका लेखक एबं राजनीतिक विश्लेषक शंकर तिवारीले १४ औँ महाधिवेशनमा केन्द्रीय सदस्यमा उम्मेदवारी दिने घोषणा समेत गरेका छन् ।
कांग्रेस पार्टीलाई २१ औँ शताब्दी सुहाउँदो लोकतान्त्रिक पार्टी बनाउन र नेपाली राजनीतिको परम्परागत व्याकरण बदल्नका लागि आफ्नो उम्मेदवारीको रहेको तिवारीले बताए। तिवारी नवलपुर क्षेत्र नं २ बाट निर्वाचित केन्द्रिय महाधिवेशन प्रतिनिधि हुन् ।
सम्बन्धित खवर
