निशुल्क डेन्टल क्याम्प एवं दन्त सचेतना सम्पन्न
पोखरा भ्यूज
पोखरा, १२ असोज । लायन्स डिष्ट्रिक्ट ३२५ आई नेपाल जोन १४ अन्तर्गतका क्लबहरूको संयुक्त आयोजनामा बृहत निःशुल्क डेण्टल क्याम्प एवं दन्त सचेतना सम्पन्न भएको छ ।
जोन अन्तर्गतका क्लबहरू लायन्स क्लब अफ पोखरा ग्लोबल लेकसिटी, पोखरा हेरिटेज, पोखरा सानिमा, उद्धमी र एभरेस्टको संयुक्त आयोजना र डेण्ट केयर न्यूरोडको प्राविधिक सहयोगमा शनिवार बृहत निःशुल्क डेण्टल क्याम्प एवं दन्त सचेतना सम्पन्न भएको हो ।
लायन्स क्लब अफ पोखरा सानिमाका अध्यक्ष हिमालदेवी गुरूङको अध्यक्षता, डिष्ट्रिक्ट क्याविनेट सेक्रेटरी अमृत प्रसाद तिवारीको प्रमुख आतिथ्यतामा सम्पन्न कार्यक्रममा डिष्ट्रिक्ट को–चिफ एडभाईजर अमृत शोभाखत्री, डिष्ट्रिक्ट एक्जुकेटिभ सोबित पौडेल, क्लस्टर ४ का क्लस्टर चिफ़ दिल बहादुर थापालगाएत डिष्ट्रिक्टका सिनियर लिडर सहभागीता रहेको कार्यक्रममा क्लबका अध्यक्ष, पूर्व अध्यक्ष एवं क्लब पदाधिकारीको उल्लेख्य उपस्थिति रहेको पोखरा हेरिटेजका अध्यक्ष हरि केसीले बताए ।
कार्यक्रममा डेण्ट केयर सेण्टरका डा, पुरन बिक को नेतृत्वमा रहेको चिकित्सकीय टोलीले सेवा उपलब्ध गराएको थियो भने क्याम्पबाट १०० जना बढ़ीले उपचार सेवा लिएका थिए ।
सम्बन्धित खवर
