सरकार र आफ्नो पार्टीको बारेमा सोच्न प्रधानमन्त्रीलाई राजपाको सुझाव
काठमाडौं । राष्ट्रिय जनता पार्टी नेपाल(रापजा)ले सिके राउत र सरकारबीच भएको सहमति रहस्यमयी भएको जनाएको छ । शनिबारबाट सुरु भएको अध्यक्षमण्डलको बैठकले उक्त सहमति आफैमा विवादास्पद रहेको समेत जनाएको छ । सहमतिप्रति नेकपाकै केही नेताहरुको विरोध हुनुले यस विषयमा गम्भीर भएको राजपा अध्यक्षमण्डलका सदस्य राजकिशोर यादवले बताउनुभयो ।
पछिल्लो राष्ट्रिय राजनीतिको बारेमा समग्रतामा छलफल हुने र राजपाको प्रभाबकारी तथा सकारात्मक भूमिकाका बारेमा साझा धारणा तय हुने यादवले जानकारी दिनुभयो । त्यस्तै प्रदेश दुईको सरकार तथा प्रदेश २ का आठ जिल्लामा भएको छलफलका बारेमा पनि बैठकमा समीक्षा हुने बताईएको छ । सरकारको १ वर्षे कार्यकालको कामको समीक्षा पनि हुने र निष्कर्ष निकाल्ने उहाले बताउनुभयो । उहाले प्रधानमन्त्री केपी शर्मा ओलीलाई राजपाको चिन्ता नगरी सरकार र आफ्नो पार्टीको बारेमा सोच्न सुझाव दिनुभयो ।
सम्बन्धित खवर
