साफ च्याम्पियनसीपः चार पटकको विजेता भारतको शान्दार जीत
विराटनगर। चार पटकको विजेता भारत नेपालमा जारी साफ च्याम्पियनसीपको आफ्नो पहिलो खेलमा विजयी भएको छ । विराटनगरको सहिद रंगशालामा बुधबार सम्पन्न समुह बीको पहिलो खेलमा भारतले माल्दिभ्सलाई ६–० को फरारकिलो अन्तरले हराएको हो । भारतको जितमा सञ्जु यादवले २ तथा ग्रेसी दाङमेइ, स्विटी देवी, इन्दुमती र रतनबाला देवी एक एक गोल गरिन् ।
खेलको सुरुवातदेखी नै आक्रामक देखिएको भारतले खेलको ८औं मिनेटमा अग्रता लिएको छ । माल्दिभ्सका डिफेन्डरको गल्तीका फाइदा उठाउँदै भारतका ग्रेसी दाङमेइले सुन्दर गोल गरेकी थिइन् । त्यसको केहि मिनेटमै ग्रेसीलेनै दोस्रो गोल गर्ने राम्रो अबसर बनाएपनि सफल हुन सकेनन् । खेलको १३औं मिनेटमा भारतका डिफेन्डर स्विटी देवी नाङबामले दोस्रो गोल गरिन् । दाङमेइको क्रसमा पाएको पासलाई स्विटीले गोलमा परिणत गरेकी थिइन् । खेलको २२औं मिनेटमा इन्दुमती कथिरेशानले काउन्टरमा एक्लै बल अघि बढाउँदै भारतका लागि तेस्रो गोल गरिन् । २८औं मिनेटमा भारतका लागि सञ्जु यादवले चौंथो गोल गरिन् । पहिलो हाफको इन्जुरी समयमा भारतले ५–० ले अग्रता लियो । डिएरिया बाहिरबाट रतनबाला देवीले प्रहार गरेको फ्रिकिक सिधै गोलमा परिणत भएको थियो ।
पहिलो हाफमा ५ गोल गरेको भारतले दोस्रो हाफमा १ गोल थप्यो । खेलको अन्तिम समयमा सञ्जुले व्यत्तिगत दोस्रो तथा भारतका लागि छैठौं गोल गर्यो । जितसँगै भारतले ३ अंक जोडेको छ ।
सम्बन्धित खवर
